فوتو: وقۋ-اعارتۋ مينيسترلىگى
اتاپ ايتساق, بالالاردى جالعان تىركەۋ ارقىلى قاتىسۋ كورسەتكىشتەرىن جاساندى تۇردە كوبەيتىپ كورسەتۋ, 164 سەكتسيادا ساباقتاردىڭ سانيتارلىق تالاپتارعا ساي كەلمەيتىن پاتەرلەردە, جەرتولەلەردە جانە تۇرعىن ءۇي-جايلاردا وتكىزىلۋى, 6 وڭىردە بۇرىن سوتتالعان ادامداردىڭ بالالاردى وقىتۋى بويىنشا 20 جاعدايدىڭ تىركەلۋى, سونداي-اق جۇيەدە تىركەلگەنىمەن, ناقتى ساباققا قاتىسپاعان 8 مىڭنان استام بالانىڭ انىقتالۋى. بۇل فاكتىلەر الاياقتىقتىڭ, جالعان ەسەپ جۇرگىزۋدىڭ جانە بيۋدجەت قاراجاتىن جىمقىرۋدىڭ ورىن الۋ ىقتيمالدىعىن كورسەتەدى.
وسىعان بايلانىستى, بالالار ءۇشىن قاۋىپسىز ءارى ساپالى جاعداي جاساۋ جانە قارجىلاندىرۋدىڭ اشىقتىعىن قامتاماسىز ەتۋ ماقساتىندا 2025 جىلعى 1 ماۋسىمنان باستاپ استانا, شىمكەنت, قاراعاندى, قىزىلوردا, اتىراۋ جانە اقتوبە قالالارىندا جاڭا بىرىڭعاي ۆاۋچەر جۇيەسى پيلوتتىق تۇردە ەنگىزىلەدى.وسىعان بايلانىستى, بالالار ءۇشىن قاۋىپسىز ءارى ساپالى جاعداي جاساۋ جانە قارجىلاندىرۋدىڭ اشىقتىعىن قامتاماسىز ەتۋ ماقساتىندا 2025 جىلعى 1 ماۋسىمنان باستاپ استانا, شىمكەنت, قاراعاندى, قىزىلوردا, اتىراۋ جانە اقتوبە قالالارىندا جاڭا بىرىڭعاي ۆاۋچەر جۇيەسى پيلوتتىق تۇردە ەنگىزىلەدى.
«جاڭا جۇيەنىڭ باستى قاعيداتى – ۆاۋچەر ءبىلىم بەرۋ ۇيىمىنا ەمەس, تىكەلەي بالاعا بەرىلەدى. بۇل بالانىڭ سپورت, ونەر جانە ءبىلىم بەرۋ باعىتتارى اراسىندا ەركىن اۋىسۋىنا مۇمكىندىك بەرەدى جانە بۇرىنعىداي قايتا كەزەككە تۇرۋ نەمەسە قارجىلاندىرۋدان ايىرىلىپ قالۋ جاعدايلارىن بولدىرمايدى. پلاتفورمانى ازىرلەۋ بارىسىندا ءار ءوڭىردىڭ ەرەكشەلىگى مەن شىعارماشىلىق, سپورتتىق جانە ءبىلىم بەرۋ قىزمەتتەرىنىندەگى ايىرماشىلىقتار ەسكەرىلەتىن بولادى», دەلىنگەن حابارلامادا.
ۆاۋچەردىڭ ەكى ءتۇرى قاراستىرىلعان:
- نىسانالى ۆاۋچەر – مەملەكەتتىك مەكەمەلەرگە ارنالعان, كەزەكسىز بەرىلەدى;
- امبەباپ ۆاۋچەر – eGov.kz پورتالى ارقىلى اتا-انالار تاڭدايتىن جەكەمەنشىك نەمەسە مەملەكەتتىك ەمەس ۇيىمدارعا ارنالعان. مۇندا كەزەك بالانىڭ جاسى مەن الەۋمەتتىك مارتەبەسىنە بايلانىستى قالىپتاسادى.
ايتا كەتەيىك جاڭا جۇيەدە قاۋىپسىزدىك پەن ساپاعا ەرەكشە نازار اۋدارىلعان. ۇيىرمەلەر مەن سەكتسيالار سانيتارلىق جانە ورتكە قارسى نورمالارعا ساي بولۋى, بەكىتىلگەن باعدارلامالارمەن جۇمىس ىستەۋى جانە بىلىكتى مامانداردى تارتۋى مىندەتتى. بالالاردىڭ قاتىسۋى تسيفرلىق تۇردە كۇن سايىن تىركەلەدى, ال قارجىلاندىرۋدىڭ اشىقتىعى ارنايى پلاتفورما ارقىلى باقىلانادى.
پيلوتتىق جوبانى مادەنيەت جانە اقپارات مينيسترلىگى, تۋريزم جانە سپورت مينيسترلىگى – سپورتتىق سەكتسيالار, وقۋ-اعارتۋ مينيسترلىگى, جانە تسيفرلىق دامۋ مينيسترلىگى بىرلەسە وتىرىپ جۇزەگە اسىرادى.
بۇل رەفورما بالالاردىڭ مۇددەسىن قورعاۋعا, قىزمەت ساپاسىن ارتتىرۋعا جانە بيۋدجەت قارجىسىنىڭ ءتيىمدى ءارى ادىلەتتى بولىنۋىنە باعىتتالعان. ەگەر پيلوتتىق جوبا ءساتتى جۇزەگە اسسا, بولاشاقتا بۇل جۇيە بۇكىل ەل اۋماعىندا قولدانىسقا ەنگىزىلۋى مۇمكىن.
