فوتو: اشىق دەرەككوز
تەمىرجول جانە سۋ كولىگى كوميتەتىنىڭ توراعاسى جانىبەك تايجانوۆتىڭ حابارلاۋىنشا, 2025 جىلدىڭ شىلدە ايىنان باستاپ استانا مەن قاراعاندى اراسىندا جۇردەك ەلەكتر پويىزى قاتىناي باستايدى.
«567 ورىنعا ارنالعان بۇل زاماناۋي پويىز جولاۋشىلارعا جايلى ءارى جىلدام قاتىناۋ مۇمكىندىگىن ۇسىنادى. ال بيىلعى كۇزدە استانا مەن بۋراباي كۋرورتتىق ايماعى اراسىندا جاڭا ەلەكتر پويىزى جولعا شىعادى. جول ءجۇرۋ ۋاقىتى – شامامەن 2,5 ساعات, ال پويىز 360 جولاۋشىعا ارنالعان», دەدى جانىبەك تايجانوۆ.
سونىمەن قاتار, بيىل 226 جاڭا جولاۋشىلار ۆاگونىن ساتىپ الۋ جوسپارلانعان.
«بۇعان دەيىن جىل سايىن 150-180 ۆاگون الىنعان بولسا, 2029 جىلعا دەيىن جىل سايىن 200-دەن استام ۆاگون ساتىپ الىنادى. بۇل ەلىمىزدىڭ جولاۋشىلار ۆاگونى پاركىن تولىعىمەن جاڭارتۋعا جول اشادى», دەلىنگەن حابارلامادا.
ايتا كەتەيىك, Stadler Kazakhstan زاۋىتى دا 2024 جىلدان باستاپ جولاۋشىلار ۆاگوندارىن شىعارۋدى باستاعان.
