فوتو: parlam.kz
دەپۋتاتتىڭ ايتۋىنشا, ۇسىنىلىپ وتىرعان زاڭ جوباسى 2023 جىلدىڭ ءساۋىر ايىنان, ياعني ءماجىلىستىڭ 8-شاقىرىلىم دەپۋتاتى بولىپ سايلانعان كەزدەن باستاپ قولعا الىنىپ, كۇنى بۇگىنگە دەيىن جالعاسقان.
«ۇسىنىلىپ وتىرعان زاڭ جوباسى 2023 جىلدىڭ ءساۋىر ايىنان, ياعني ءماجىلىستىڭ 8-شاقىرىلىم دەپۋتاتى بولىپ سايلانعان كەزىمىزدەن باستاپ قولعا الىنىپ, كۇنى بۇگىنگە دەيىن جالعاستى. قازىرگى ۋاقىتتا قولدانىستاعى قىلمىستىق, قىلمىستىق-پروتسەستىك جانە قىلمىستىق-اتقارۋ كودەكستەرى 2014 جىلى قابىلدانىپ, 2015 جىلدىڭ 1 قاڭتارىنان باستاپ زاڭدى كۇشىنە ەندى. وسى ون جىل ىشىندە قك مەن قپك-عا 100-دەن استام زاڭ جوباسى اياسىندا 1000-نان اسا تۇزەتۋلەر مەن تولىقتىرۋلار ەنگىزىلدى», دەدى دەپۋتات.
دەپۋتات اتاپ وتكەندەي, قىلمىستىق زاڭنامانىڭ مۇنداي تۇراقسىزدىعى قوعام تاراپىنان, قۇقىق قورعاۋشىلار مەن زاڭگەرلەر, سونداي-اق عىلىمي ورتا وكىلدەرىنىڭ ورىندى سىنىنا ۇشىراعان.
«ۇسىنىلىپ وتىرعان جاڭا زاڭ جوباسى — سوڭعى جىلدارداعى ەڭ اۋقىمدى جانە مازمۇندىق جاعىنان كۇردەلى وزگەرىستەردى قامتيتىن باستاما. اتالعان قۇجات ارقىلى قىلمىستىق زاڭناما جۇيەلەنىپ, بىرىزدىلىككە تۇسەدى جانە زاڭنامالىق تۇراقتىلىق قامتاماسىز ەتىلەدى دەپ ەسەپتەيمىن», دەدى ابزال قۇسپان.
دەپۋتات زاڭ جوباسى مەملەكەت باسشىسىنىڭ 2022 جىلعى 1 قىركۇيەكتەگى جولداۋىن ىسكە اسىرۋ جانە 2030 جىلعا دەيىنگى قۇقىقتىق ساياسات تۇجىرىمداماسىن جۇزەگە اسىرۋ اياسىندا ازىرلەنگەنىن اتاپ ءوتتى. ايتا كەتەيىك, بۇل جولى قىلمىستىق زاڭنامانى جەتىلدىرۋ قۇزىرەتى العاش رەت ىشكى ىستەر جانە پروكۋراتۋرا سالاسى ەمەس, ادىلەت ورگاندارىنا بەرىلگەن.
زاڭ جوباسىنىڭ نەگىزگى باعىتتارى:
- ازاماتتار مەن كاسىپكەرلەردىڭ قۇقىقتارىن قورعاۋدى كۇشەيتۋ;
- قىلمىستىق پروتسەستە ادۆوكاتتاردىڭ ءرولىن ارتتىرۋ;
- قىلمىستىق ءىس جۇرگىزۋدى وڭتايلاندىرۋ;
- ستالكينگ (قورقىتۋ جانە زاڭسىز قۋدالاۋ) ءۇشىن جاۋاپكەرشىلىك ەنگىزۋ;
- زاڭسىز تۇردە بانك كارتاسىن نەمەسە شوتتى بەرۋ ءۇشىن قىلمىستىق جازا;
- ءماجبۇرلى نەكە ءۇشىن قىلمىستىق جاۋاپكەرشىلىك.
«ماجىلىستە وتكەن ءبىر جىل ىشىندە 60-تان استام جۇمىس توبىنىڭ وتىرىسى وتكىزىلىپ, 699 دەپۋتاتتىق تۇزەتۋ قارالدى. جوبا كونستيتۋتسيالىق سوتتىڭ نورماتيۆتىك قاۋلىلارىن دا قامتيدى. جوعارى وقۋ ورىندارىنىڭ پروفەسسور-وقىتۋشىلار قۇرامى, زاڭ عىلىمدارىنىڭ ارداگەرلەرى, حالىقارالىق ساراپشىلار بەلسەندى اتسالىستى», دەدى دەپۋتات.
ابزال قۇسپان جۇرگىزىلگەن جۇمىستىڭ اۋقىمىن, عىلىمي ساراپتامانىڭ تەرەڭدىگىن جانە نورمالاردىڭ ناقتى پىسىقتالعانىن ەسكەرە وتىرىپ, زاڭ جوباسىن قابىلداپ, ونى پارلامەنت سەناتىنا جولداۋدى ۇسىندى.
