فوتو: اشىق دەرەككوز
پروكۋراتۋرا, پوليتسيا جانە ۋاكىلەتتى ورگانداردىڭ بىرلەسكەن جۇمىسىنىڭ ناتيجەسىندە الماتىنىڭ ەكى تۇرعىنى وسىنداي جاۋاپكەرشىلىككە تارتىلعان. قىلمىستىق ىستەردىڭ ماتەريالدارى سوتقا جولدانىپ, سوت ولاردى كىنالى دەپ تانىعان. قۇزىرلى ورىن وكىلدەرى مىندەتىن قاساقانا ورىنداماعان ەكى ازاماتقا ءبىر جىل باس بوستاندىعىن شەكتەۋ تۇرىندە جازا تاعايىندالعانىن مالىمدەدى.
شاھاردا پروكۋرورلىق قاداعالاۋ اكتىسى بويىنشا كامەلەتكە تولماعانداردىڭ پايداسىنا 80 ميلليونعا جۋىق تەڭگە وندىرىلگەن. جۇمىس بارىسىندا اليمەنتتى قاساقانا تولەمەگەن 14 بورىشكەر اكىمشىلىك جاۋاپقا تارتىلىپتى. جۇمىسپەن قامتۋ ماسەلەسىن شەشۋگە جاردەمدەسۋ ءۇشىن بوس ورىندار جارمەڭكەسى ءوتىپ, 27 بورىشكەر جۇمىسقا تۇرعان.
ۇزاق ۋاقىتتان بەرى ءوز بالا-شاعاسىنا ءتيىستى كومەك كورسەتۋدەن قالىس قالعان ازاماتتاردىڭ جۇرگىزۋشى كۋالىگىن توقتاتا تۇرۋ ءتيىمدى ناتيجە كورسەتكەن. كەيىنگى ايلاردا اليمەنت تولەمەيتىندەرگە اسەر ەتۋ ماقساتىندا 24 جۇرگىزۋشى كۋالىگىنىڭ قولدانىلۋى توقتاتىلىپتى.
