زيانكەستەرمەن كۇرەس جەكە باقىلاۋىمدا بولادى - مينيستر

«قىزىلوردا وبلىسى بويىنشا 60 مىڭ گەكتار اۋماق زەرتتەلدى. ونىڭ 18 مىڭ گەكتارىن حيميالىق وڭدەۋ قاجەت. قازىرگى تاڭدا 11 700 گەكتار جەر وڭدەلدى. بۇل جۇمىستىڭ بارىنشا تەز اياقتالۋىن جانە ساپالى ورىندالۋىن جەكە باقىلاۋىمدا ۇستايمىن», دەدى مينيستر.

وبلىستا جوسپارلانعان 19,654 مىڭ گەكتاردىڭ 11,706 مىڭ گەكتارى وڭدەلگەن. زيانكەستەرگە قارسى كۇرەسكە 4 جەڭىل ۇشاق, 2 اسا جەڭىل ۇشاق, 12 جەرۇستى اگرەگات, 5 درون جانە 45 ارقاعا اسىلاتىن بۇرىككىش قۇرال قولدانىلىپ جاتىر. وڭدەۋگە جاتاتىن بولجامدى جالپى اۋماق 60,024 مىڭ گەكتار بولىپ وتىر. جوسپارلانعان الاڭدار بويىنشا جەتكىزۋشى ۇيىمدارمەن كەلىسىم-شارت جاسالعان.

ۇيلەستىرۋ جۇمىستارىن جۇرگىزۋ ءۇشىن وبلىس اكىمىنىڭ ورىنباسارى باسقاراتىن جەدەل شتاب قۇرىلدى. مۇنداي شتابتار بارلىق اۋداندا جۇمىس ىستەيدى. جەرگىلىكتى جەرلەردە مونيتورينگ پەن باقىلاۋعا 279 مامان تارتىلعان. بۇگىنگى كۇنگە دەيىن 474,1 مىڭ گەكتار جەر زەرتتەلىپ, ءۇيىرلى شەگىرتكەنىڭ دەرناسىلدەرى انىقتالدى. دەگەنمەن, اۋىل شارۋاشىلىعى داقىلدارىنا زيان كەلگەنى تىركەلگەن جوق.

اۋداننان كەيىن مينيستر وبلىس ورتالىعىندا وتكەن رەسپۋبليكالىق شتاب وتىرىسىنا قاتىستى.