فوتو: اشىق دەرەككوز
جەڭىس قاسىمبەك ەندى تۇلەكتەر ءۇشىن ماڭىزدى كەزەڭ – ماماندىق پەن جوعارى وقۋ ورنىن تاڭداۋ باستالاتىنىن اتاپ ءوتتى. بۇل رەتتە اكىمدىك تاراپىنىنان ءتيىستى قولداۋ كورسەتىلەدى.
«قالا بويىنشا جوعارى وقۋ ورىندارىنا 550-دەن استام گرانت ءبولۋ جوسپارلانعان. سونىمەن قاتار, سۇرانىسقا يە 62 ماماندىق بويىنشا كوللەدجدەرگە 10 مىڭ گرانت قاراستىرىلعان», دەدى اكىم.
سونىمەن قاتار اكىم قالاداعى ءبىلىم بەرۋ ينفراقۇرىلىمىن دامىتۋ قارقىنى تۋرالى دا ايتتى. بيىلعى وقۋ جىلىندا استانادا 24 جاڭا مەكتەپ پايدالانۋعا بەرىلگەن. بۇل شامامەن 66 مىڭ وقۋشى ورنىنىڭ اشىلۋىنا مۇمكىندىك بەرگەن.
«بۇل مەكتەپتەردىڭ 16-سى «جايلى مەكتەپ» ۇلتتىق جوباسى اياسىندا سالىندى. جاڭا وقۋ جىلىندا تاعى 15 مەكتەپ اشۋ جوسپارىمىزدا بار. سونىمەن بىرگە, جەكە ينۆەستيتسيالاردى تارتۋ ارقىلى دا ءبىلىم نىساندارى بوي كوتەرىپ جاتىر», دەدى جەڭىس قاسىمبەك.
