فوتو: اشىق دەرەككوز
گازانىڭ دەنساۋلىق ساقتاۋ مينيسترلىگىنىڭ مالىمەتىنشە, سولتۇستىك وڭىردەگى اۋرۋحانالار كوپ جاعدايدا جۇمىس ىستەي الماي وتىر, سوندىقتان ناقتى قۇرباندار سانى ءالى دە انىقتالىپ جاتىر. اۋىر جاعدايدى پالەستيناداعى دارىگەرلەر دە راستاعان. ءبىر دارىگەردىڭ ايتۋىنشا, جۇما كۇنگى شابۋىلدان كەيىن ول ون بالاسىنىڭ توعىزىنان ايىرىلعان.
رەسمي دەرەكتەر بويىنشا, ناۋرىز ايىندا اتىستى توقتاتۋ رەجيمى بۇزىلعالى بەرى 3 785 ادام مەرت بولعان. يزرايل تاراپى بۇل اسكەري وپەراتسيانى حاماس قوزعالىسىن جويۋ جانە 2023 جىلدىڭ 7 قازانىندا تۇتقىنعا تۇسكەن 58 ادامدى بوساتۋ ماقساتىندا جۇرگىزىپ جاتقانىن مالىمدەيدى.
ال حاماس بولسا, تۇتقىنداردى تەك تولىق ءبىتىم جاسالىپ, يزرايل اسكەرى گازادان تولىق شىققان جاعدايدا عانا بوساتاتىنىن العا تارتقان.
ايتا كەتەيىك, يزرايل ەكى جارىم اي بويى گازاعا ازىق-ت ۇلىك, جانارماي جانە مەديتسينالىق زاتتاردى كىرگىزۋگە تىيىم سالعان بولاتىن. تەك سوڭعى اپتالاردا حالىقارالىق قىسىم مەن اشارشىلىق قاۋپى سالدارىنان از كولەمدە كومەك كىرگىزىلە باستادى.
