مەملەكەت باسشىسى قاسىم-جومارت توقاەۆ ۇلتتىق قۇرىلتايدىڭ IV وتىرىسىندا اتاپ وتكەندەي, بالالارعا قامقورلىق كورسەتۋ – بۇل ورتاق جاۋاپكەرشىلىك ءارى مەملەكەتتىك ساياساتتىڭ باستى باسىمدىعى. وسىعان وراي بۇل باستاما – بالالار ماسەلەسىنە ەرەكشە كوڭىل بولۋگە جانە بالالاردىڭ قاۋىپسىز ورتادا ءوسىپ-جەتىلۋىنە جاعداي جاساۋعا, سونداي-اق قوعامنىڭ نازارىن بالا قۇقىعى مەن بالالىق شاقتاعى وزەكتى ماسەلەلەرگە اۋدارۋعا باعىتتالعان.
مەرەكەگە دەيىنگى ءىس-شارالار لەگى قر مادەنيەت جانە اقپارات مينيسترلىگى «اكەم — تىرەگىم, انام – جۇرەگىم» ۇرانىمەن ۇيىمداستىرعان ناۋقاننان باستالدى. بۇل ءىس-شارانىڭ تاقىرىبى بالا ومىرىندەگى وتباسىنىڭ ءرولىن ايقىنداۋ بولدى.
ەلىمىزدىڭ بارلىق وڭىرىندە بالالارعا ارنالعان مادەني-تانىمدىق ءىس-شارالار ۇيىمداستىرىلدى. اتاپ ايتساق, تەاترلىق جانە كونتسەرتتىك باعدارلامالار, سپورتتىق جانە شىعارماشىلىق بايقاۋلار, مۋزەيلەر مەن كىتاپحانالارداعى تاقىرىپتىق كورمەلەر ءوتتى.
سونداي-اق ناۋقان اياسىندا بارلىق ايماقتا وتباسىنى قولداۋ ورتالىقتارىندا اشىق ەسىك كۇندەرى ءوتتى. وندا قازاقستاندىقتار ءتۇرلى سالا ماماندارىنان كەڭەس الىپ, اتا-انانىڭ جاۋاپكەرشىلىگىن تۇسىنۋگە ارنالعان وقىتۋ ءىس-شارالارىنا قاتىستى.
«قازاقستان بالالارى» ۇلتتىق ناۋقانىنا العاشقى كۇنى ەلىمىز بويىنشا جارتى ميلليوننان استام قازاقستاندىق قاتىستى.
