فوتو: egemen.kz/ەرلان ومار
جىل باسىنان بەرى ورتا ەسەپپەن 853,6 مىڭ وتباسى مەملەكەتتىك قولداۋعا يە بولىپ, ولارعا جالپى 201,9 ملرد تەڭگە بولىنگەن. اتاپ ايتساق, كوپبالالى وتباسىلار قاتارىنداعى 611,5 مىڭ وتباسى 176 ملرد تەڭگە كولەمىندە جاردەماقى العان. ال ناگرادتالعان انالار – 242 مىڭ ادام 25,9 ملرد تەڭگە كولەمىندە قولداۋمەن قامتىلعان.
تەك 2025 جىلعى ءساۋىر ايىنىڭ وزىندە عانا بۇل سان 860,1 مىڭ وتباسىنا جەتىپ, اي سايىنعى تولەمدەردىڭ جالپى سوماسى 51 ملرد تەڭگەنى قۇراعان. ونىڭ ىشىندە:
- كوپبالالى وتباسىلارعا – 617,6 مىڭ وتباسى, 44,5 ملرد تەڭگە;
- ناگرادتالعان انالارعا – 242,5 مىڭ ادام, 6,5 ملرد تەڭگە تولەنگەن.
ايتا كەتەيىك, مەملەكەتتىك جاردەماقى وتباسىنىڭ تابىسىنا قاراماستان, قۇرامىندا 4 جانە ودان دا كوپ بىرگە تۇراتىن كامەلەتكە تولماعان نەمەسە كۇندىزگى بولىمدە وقيتىن 23 جاسقا دەيىنگى بالاسى بار وتباسىلارعا تولەنەدى.
2025 جىلى جاردەماقى مولشەرى بالا سانىنا قاراي:
- 4 بالا – 63 030 تەڭگە (16,03 اەك);
- 5 بالا – 78 798 تەڭگە (20,04 اەك);
- 6 بالا – 94 565 تەڭگە (24,05 اەك);
- 7 بالا – 110 332 تەڭگە (28,06 اەك);
- 8 جانە ودان دا كوپ بالا – ءار بالاعا 15 728 تەڭگە (4 اەك)
جاردەماقى كەلەسى «كۇمىس القا» يەگەرلەرىنە – 25 165 تەڭگە (6,40 اەك) • «التىن القا», بۇرىنعى «باتىر انا» اتاعى جانە «انا داڭقى» وردەنىنىڭ I جانە II دارەجەسى يەگەرلەرىنە – 29 097 تەڭگە (7,40 اەك) تاعايىندالادى.
ايتا كەتەيىك, 2025 جىلعى 1 قاڭتاردان باستاپ بارلىق بالالى وتباسىلارعا ارنالعان مەملەكەتتىك جاردەماقى مولشەرى 6,5%-عا ارتتى.
