فوتو: polisia.kz
الماتى وبلىسىندا كريمينالدىق پوليتسيا قىزمەتكەرلەرى جايىلىمدا جۇرگەن ءىرى قارا مالدى ۇرلاعان ءۇش ادامنان قۇرالعان قىلمىستىق توپتى ۇستادى. قولعا تۇسكەن توپتىڭ جەرگىلىكتى تۇرعىندارعا تيەسىلى 30-دان استام سيىردى ۇرلاعانى دالەلدەندى. ۇستالعانداردىڭ ءبىرى Volkswagen جۇك كولىگىنىڭ جۇرگىزۋشىسى بولىپ جۇمىس ىستەگەن. كۇدىكتىلەر ءار ەكى-ءۇش كۇن سايىن مال ۇرلاپ, ونى سويىپ, ەتىن الماتى قالاسىنىڭ بازارلارىندا ساتقان.
پاۆلودار وبلىسىندا دا پوليتسيا قىزمەتكەرلەرى ءۇش ادامنان تۇراتىن قىلمىستىق توپتى ۇستادى. ولار 2023 جىلعى جەلتوقساننان باستاپ بۇگىنگى كۇنگە دەيىن ەكىباستۇز اۋدانى اۋماعىندا جىلقىلاردى ۇرلاپ كەلگەن. تەرگەۋ بارىسىندا كۇدىكتىلەردىڭ ءبىرى اۋىل شارۋاشىلىعى سەرىكتەستىگىندە جىلقىشى بولىپ جۇمىس ىستەپ, كەيىنگى ەكى جىل ىشىندە 70-تەن استام جىلقىنى ۇرلاعانى انىقتالدى.
