قوناقتاردى قازاق جازۋىنىڭ رەفورماتورى احمەت بايتۇرسىن ۇلى, ۆەرنىي قالاسىنىڭ العاشقى باس جوسپار اۆتورى, ساۋلەتشى پول گۋردە, تۇڭعىش قازاق ينجەنەرى مۇحامەدجان تىنىشپاەۆ, كورنەكتى گەولوگ قانىش ساتپاەۆ, وپەرا ءانشىسى ەرمەك سەركەباەۆ جانە الەمگە ايگىلى ءانشى روزا باعلانوۆا بەينەسىندەگى ارتيستەر قارسى الدى. سونىمەن قاتار, حالىق كومپوزيتورلارى قۇرمانعازى, قورقىت, ءبىرجان سال, دينا نۇرپەيىسوۆا, جامبىل جاباەۆ, اقان سەرى جانە بەلگىلى جازۋشىلار ءسابيت مۇقانوۆ پەن عابيت مۇسىرەپوۆتىڭ بەينەلەرى دە ۇسىنىلدى. قوناقتار قازاقستاننىڭ ۇلتتىق مۇراسى – «التىن ادام» بەينەسىندەگى ۇلكەن قۋىرشاقتارعا ەرەكشە قىزىعۋشىلىق تانىتتى.
«مۋزەي ءتۇنى – 2025» اكتسياسى اياسىندا الماتى تاريحى مۋزەيى, ىقىلاس اتىنداعى حالىق مۋزىكالىق اسپاپتار مۋزەيى, احمەت بايتۇرسىن ۇلىنىڭ مۋزەي-ءۇيى, د. ا. قوناەۆ مۋزەيى, مۋلتيمەديالىق ءداستۇرلى مۋزىكا ورتالىعى, س. مۇقانوۆ پەن ع. مۇسىرەپوۆتىڭ ادەبي-مەموريالدىق مۋزەيلەرىن 20 مىڭنان استام ادام تاماشالادى.
الماتى تاريحى مۋزەيىندە پەرفورمانستان بولەك «الماتى – ماحابباتىم» سپەكتاكلى, ارحەولوگيا مەن ايەل بەينەلەرىنە ارنالعان دارىستەر, سونداي-اق, نۇرعيسا تىلەنديەۆتىڭ 100 جىلدىعىنا ارنالعان ميۋزيكل قويىلىمى كوپشىلىكتىڭ ەرەكشە ىقىلاسىنا بولەندى. كەشتىڭ سوڭى اشىق اسپان استىنداعى كينو كورسەتىلىمى مەن كۆەست جەڭىمپازدارىن ماراپاتتاۋ راسىمىمەن اياقتالدى.
احمەت بايتۇرسىن ۇلىنىڭ مۋزەي-ۇيىندە الاشتانۋشىلاردىڭ دارىستەرى مەن «الاش» قوزعالىسى قايراتكەرلەرىنە ارنالعان تەاترلاندىرىلعان قويىلىم ءوتتى. ءسابيت مۇقانوۆ پەن عابيت مۇسىرەپوۆتىڭ ادەبي مۋزەيلەرىندە سپەكتاكلدەر, ۆيكتورينالار جانە جازۋشىلارمەن كەزدەسۋلەر ۇيىمداستىرىلدى. كورەرمەندەر ء«مولدىر ماحاببات» جانە «قىز جىبەك ارياسى» قويىلىمدارىن تاماشالادى. مۋلتيمەديالىق ءداستۇرلى مۋزىكا ورتالىعىندا اباي قۇنانباەۆتىڭ 180 جىلدىعىنا ارنالعان كونتسەرت پەن «بەس اسىل ءىس» تاقىرىبىنداعى ءدارىس ءوتتى, سونداي-اق, ءشامشى قالداياقوۆتىڭ ماندوليناسى سەكىلدى سيرەك ەكسپوناتتار كورمەگە قويىلدى.
«بارشاڭىزدى حالىقارالىق مۋزەي كۇنىمەن قۇتتىقتايمىن. بۇگىن الماتى مۋزەيلەرى تۇرعىندار مەن تۋريستەر كەلەتىن ورتاعا اينالدى – سەگىز مۋزەيدىڭ ارقايسىسى مازمۇندى باعدارلاما ۇسىندى. اسىرەسە, وتباسىلارىمەن, بالالارى مەن نەمەرەلەرىمەن كەلگەن جانداردى كورىپ, ەرەكشە قۋاندىم. بۇل ۇرپاق ساباقتاستىعىنىڭ, مادەنيەتكە, ونەر مەن تاريحقا دەگەن قىزىعۋشىلىقتىڭ كورىنىسى. جاستار كۆەستكە بەلسەنە قاتىسىپ, سۇراق قويىپ, تاريحتىڭ بەيمالىم بەتتەرىن اشۋدا. مۇنداي ءىس-شارالار مۇرانى قۇرمەتتەۋگە, مادەنيەتتى ازاماتتى تاربيەلەۋگە ىقپال ەتەدى», – دەدى الماتى مادەنيەت باسقارماسىنىڭ باسشىسى عاني مايلىباەۆ قالانىڭ مۋزەيلەر بىرلەستىگىنىڭ ۇزدىك قىزمەتكەرلەرىن ماراپاتتاۋ بارىسىندا.
جالپى, كەشكى ساعات 18:00-دەن ءتۇن ورتاسىنا دەيىن مەگاپوليستىڭ سەگىز مۋزەيىندە ەكسكۋرسيالار, قىش جانە بەينەلەۋ ونەرى بويىنشا شەبەرلىك دارىستەرى, مۋزىكالىق اسپاپتار جاساۋ, زياتكەرلىك ويىندار, جازۋشىلار مەن مادەنيەتتانۋشىلارمەن كەزدەسۋلەر, سونىمەن قاتار, ەركەش حاسەن, ەرنار اماندىق, «الاتاۋ سەرىلەرى» توبى, «جاڭا عاسىر» تەاترى ارتيستەرى جانە ت.ب. تانىمال ونەرپازداردىڭ قاتىسۋىمەن «الماتى كەشى» كونتسەرتتىك باعدارلاماسى ءوتتى.
كەش سوڭىندا بارلىق الاڭدا كۆەستتىڭ بەلسەندى قاتىسۋشىلارىن ماراپاتتاۋ ءراسىمى, مەرەكەلىك كونتسەرتتەر مەن تۇنگى كينو كورسەتىلىمدەرى ۇيىمداستىرىلدى. «مۋزەي ءتۇنى» اكتسياسى تەاتر ونەرىن, مۋزىكانى, عىلىم مەن تەحنولوگيانى بىرىكتىرە وتىرىپ, تاريحتى ءاربىر ادامعا قولجەتىمدى ءارى قىزىقتى ەتتى.
