پلاتفورما ارقىلى جەرگىلىكتى اتقارۋشى ورگانداردىڭ قۇزىرەتىنە كىرەتىن كەلەسى مەملەكەتتىك قىزمەتتەر ەلەكتروندىق فورماتتا ۇسىنىلادى:
- كەڭ تارالعان پايدالى قازبالاردى (كپق) وندىرۋگە ليتسەنزيا بەرۋ,
- ستاراتەلدىك قىزمەتكە ليتسەنزيا بەرۋ,
- كپق بويىنشا كومىرتەكتى ماسسا شىعارۋ بويىنشا رۇقسات بەرۋ,
- جەر قويناۋىن پايدالانۋ قۇقىعىن كەپىلگە بەرۋ شارتتارىن تىركەۋ,
- جەر قويناۋىن پايدالانۋ ليتسەنزيالارىنا قوسىمشا كەلىسىمدەر جاساۋ,
- كپق بويىنشا گەولوگيالىق جانە تاۋ-كەن الاڭىن بەرۋ جانە قايتا راسىمدەۋ.
«جەر قويناۋىن پايدالانۋدىڭ بىرىڭعاي پلاتفورماسى — بۇل بارلىق جەر قويناۋىن پايدالانۋشىلار ءۇشىن, ونىڭ ىشىندە جەرگىلىكتى اتقارۋشى ورگاندارمەن ءوزارا ءىس - قيمىل جاساۋ ءۇشىن ءوزارا ءىس-قيمىلدىڭ ىڭعايلىلىعى مەن اشىقتىعىن قامتاماسىز ەتەتىن تسيفرلىق قۇرال», – اتاپ ءوتتى ونەركاسىپ جانە قۇرىلىس ۆيتسە-ءمينيسترى ءجاننات ءدۇبىروۆا.
جىل سايىن جەر قويناۋىن پايدالانۋشىلار وتكەن جىلعا ارنالعان ليتسەنزيالىق-كەلىسىمشارتتىق ۋچاسكەلەر (لكۋ) بويىنشا ەسەپتى تاپسىرۋعا مىندەتتى. وسى جىلى ەسەپ بەرۋ تەك ەلەكتروندىق تۇردە جقپبپ پلاتفورماسى ارقىلى جۇزەگە اسىرىلدى.
مينيسترلىك جەرگىلىكتى اتقارۋشى ورگاندار مەن جەر قويناۋىن پايدالانۋشىلارعا قولداۋ كورسەتۋ ماقساتىندا اقپاراتتىق-كوممۋنيكاتسيالىق قۇرالداردى پايدالانا وتىرىپ, وقىتۋ ءىس-شارالارىن وتكىزدى. بۇل كەزدەسۋلەر اياسىندا جۇيەمەن جۇمىس ىستەۋ بويىنشا ادىستەمەلىك كومەك كورسەتىلدى, سونىڭ ىشىندە كەلىسىمشارتتار مەن ليتسەنزيالاردى رەەسترگە ەنگىزۋ جۇمىستارى جۇرگىزىلدى.
جەر قويناۋىن پايدالانۋشىلاردىڭ كەلىسىمشارتتارى مەن ليتسەنزيالارى جەرگىلىكتى اتقارۋشى ورگانداردىڭ قىزمەتكەرلەرى تاراپىنان تولىق كولەمدە رەەسترگە ەنگىزىلدى. ەل بويىنشا جالپى 1164 كەلىسىمشارت پەن 774 كپق ليتسەنزياسى تىركەلىپ, 1539 لكۋ ەسەبى تاپسىرىلدى. بۇل ءوز كەزەگىندە تسيفرلىق ەسەپتىلىككە تولىق جانە ۋاقىتىلى كوشۋگە مۇمكىندىك بەردى.
وڭىرلەردىڭ باسىم بولىگىندە لكۋ بويىنشا ەسەپتىلىك 100% كولەمدە تاپسىرىلىپ, بۇل مەملەكەتتىك ورگانداردىڭ تسيفرلىق دايىندىق دەڭگەيىنىڭ جوعارىلىعىن جانە ۆەدومستۆوارالىق ءتيىمدى ءوزارا ءىس-قيمىلدى كورسەتەدى. مينيسترلىك جقپبپ پلاتفورماسىنىڭ مۇمكىندىكتەرىن جەتىلدىرۋ جانە پايدالانۋشىلارعا ادىستەمەلىك قولداۋ كورسەتۋ جۇمىستارىن ودان ءارى جالعاستىراتىن بولادى.
