فوتو: اۋىل شارۋاشىلىعى مينيسترلىگى
تەكسەرۋ ناتيجەسىندە ەگىس جۇمىستارىنا ارنالعان 1600 گەكتار ۋچاسكەنىڭ ۇزاق ۋاقىت پايدالانىلماعانى انىقتالعان.
دەپارتامەنت جەردى يگەرۋ جانە انىقتالعان زاڭبۇزۋشىلىقتاردى جويۋ تۋرالى مىندەتتى نۇسقاما بەرگەنىمەن, نۇسقاما تالاپتارى ورىندالماعان.
«اۋداندىق سوتتىڭ شەشىمىمەن سەرىكتەستىككە 100 ايلىق ەسەپتىك كورسەتكىش مولشەرىندە اكىمشىلىك ايىپپۇل سالىندى. وبلىستىڭ مامانداندىرىلعان اۋدانارالىق ەكونوميكالىق سوتى دەپارتامەنتتىڭ جەر ۋچاسكەسىن ماجبۇرلەپ الىپ قويۋ تۋرالى تالابىن قاناعاتتاندىردى. سوت شەشىمى ناتيجەسىندە اۋىل شارۋاشىلىعى ماقساتىنداعى شامامەن 1200 گەكتار جەر مەملەكەتتىك مەنشىككە قايتارىلدى», دەپ حابارلادى اۋىل شارۋاشىلىعى مينيسترلىگىنىڭ ءباسپاسوز قىزمەتى.
