فوتو: اشىق دەرەككوز
اتالعان زاڭ جوباسى پارلامەنت ءماجىلىسىنىڭ دەپۋتاتتارىنىڭ باستاماسىمەن ازىرلەنىپ, جاساندى ينتەللەكت سالاسىنداعى قاتىناستاردى قۇقىقتىق تۇرعىدان رەتتەيتىن العاشقى كەشەندى قۇجات بولماق. بۇل تۋرالى ەكونوميكالىق رەفورما جانە وڭىرلىك دامۋ كوميتەتى قورىتىندىسىندا مالىمدەدى.
زاڭ جوباسى جەتى تاراۋدان جانە جيىرما سەگىز باپتان تۇرادى. وندا ەڭ الدىمەن جاساندى ينتەللەكت سالاسىنداعى اشىقتىقتى, قاۋىپسىزدىكتى قامتاماسىز ەتۋدىڭ قۇقىقتىق ءارى ۇيىمداستىرۋشىلىق تەتىكتەرى بەكىتىلگەن. سونىمەن قاتار:
-
مەملەكەتتىك ورگاندار مەن كۆازيمەملەكەتتىك سەكتوردا جي تەحنولوگيالارىن قولدانۋ ءتارتىبى بەلگىلەنەدى;
-
ۇكىمەتتىڭ وسى سالاداعى قۇزىرەتى كەڭەيەدى;
-
جاساندى ينتەللەكت جۇيەلەرىمەن جۇمىس ىستەيتىن سۋبەكتىلەردىڭ قۇقىقتارى مەن مىندەتتەرى ناقتىلانادى.
كوميتەتتىڭ مالىمەتىنشە, زاڭ جوباسى بويىنشا جۇمىس توبىنا 66 ۇسىنىس ءتۇسىپ, ولار بەس وتىرىس اياسىندا تالقىلانعان. تالقىلاۋعا مۇددەلى مەملەكەتتىك ورگاندارمەن قاتار, قوعامدىق ۇيىمدار مەن ساراپشىلار دا قاتىسقان.
قازىردىڭ وزىندە ەلىمىزدىڭ تسيفرلىق دامۋ باعىتى جاساندى ينتەللەكتكە ۇلكەن سەنىم ارتىپ وتىر. دەگەنمەن بۇل تەحنولوگيانىڭ مۇمكىندىگىن تولىق ءارى قاۋىپسىز پايدالانۋعا قۇقىقتىق نەگىزدىڭ بولۋى شەشۋشى مانگە يە.
ەكونوميكالىق رەفورما جانە وڭىرلىك دامۋ كوميتەتى زاڭ جوباسىن ءبىرىنشى وقىلىمدا ءماجىلىستىڭ جالپى وتىرىسىنا ەنگىزۋدى ۇسىندى.
