فوتو: اشىق دەرەككوز
جاڭا قۇجات اياسىندا ەلدەگى بايلانىس نىساندارىن, سونىڭ ىشىندە دىڭگەك-انتەننا كەشەندەرىن ورناتۋ, تىرەك قۇرىلىمدارىن جانە باسقا دا قاجەتتى قۇرىلىس نىساندارىن سالۋ پروتسەسى ايتارلىقتاي جەڭىلدەيدى. بۇدان بىلاي بۇل ماقساتتار ءۇشىن جەر تەلىمدەرىن بەرۋ ءتارتىبى وڭايلاتىلادى. سونىمەن قاتار ەرەكشە قورعالاتىن تابيعي اۋماقتاردىڭ وزىندە بەلگىلەنگەن زاڭدى ءتارتىپتى ساقتاي وتىرىپ, بايلانىس جەلىلەرىن جۇرگىزۋگە رەسمي تۇردە رۇقسات بەرىلمەك.
ەندى eGov Mobile قوسىمشاسى ارقىلى تاۋاردىڭ تۇپنۇسقالىعىن تەكسەرۋگە بولادى
ۇيالى بايلانىستىڭ ابونەنتتىك قۇرىلعىلارىن ۆەريفيكاتسيالاۋ (تۇپنۇسقالىعىن تەكسەرۋ) فۋنكتسياسى ەندى مەملەكەتتىك مونوپولياعا, ناقتىراق ايتساق, مەملەكەتتىك راديوجيىلىك قىزمەتىنىڭ قۇزىرەتىنە وتەدى. بۇل نورما نارىققا ساپاسىز ونىمدەردىڭ كىرۋىن شەكتەپ, تۇتىنۋشىلارعا ساتىپ الىناتىن تەلەفونداردىڭ تۇپنۇسقالىعى مەن قاۋىپسىزدىگىنە كەپىلدىك بەرەدى, سونداي-اق قوعامدىق جانە جەكە قاۋىپسىزدىك دەڭگەيىن ارتتىرادى.
سونداي-اق ازاماتتاردى الەۋمەتتىك جانە مەملەكەتتىك ماڭىزى بار ءموبيلدى قوسىمشالارمەن (مىسالى, eGov) تاۋلىك بويى جانە ءتاريفسىز قامتاماسىز ەتۋ ۇسىنىلادى.
بۇعان قوسا, زاڭ ارقىلى دەرەكتەر ورتالىقتارىنىڭ كريتەريلەرى جاڭارتىلادى. اتاپ ايتقاندا, جەكە جانە زاڭدى تۇلعالار ۋاكىلەتتى ورگاندى قۇرىلىس جۇمىسى باستالعانى جانە دەرەكتەردى وڭدەۋ ورتالىقتارىنىڭ پايدالانۋعا بەرىلگەنى تۋرالى حاباردار ەتۋگە مىندەتتەلەدى.
جەكەلەگەن نورمالار سپۋتنيك بايلانىسىن دامىتۋدى, گەوستاتسيونارلىق ەمەس سپۋتنيكتەردى پايدالانۋ شارتتارىن جاڭارتۋدى جانە قازاقستاننىڭ بىرىڭعاي تەلەكوممۋنيكاتسيالار جەلىسىنە كىرەتىن زاتتار ينتەرنەتى جەلىلەرىنىڭ قىزمەتىن رەتتەۋدى جانە باسقا دا باعىتتاردى قامتيدى.
