حالىق اقىنى ماياسار جاپاقوۆ (1889–1965) جاستايىنان ولەڭ شىعارىپ, دومبىرامەن ءان سالعان. ول قاراعاندى كەنشىلەرىنىڭ ءومىرى مەن ەڭبەگىن جىرلاعان اقىن رەتىندە تانىلدى. ەكىنشى دۇنيەجۇزىلىك سوعىس كەزىندە «اتىڭنان اتام قازاق اينالايىن» دەگەن پاتريوتتىق تولعاۋى قازاق جاۋىنگەرلەرى اراسىنا كەڭ تارادى. 1943 جىلى بولمان, نۇرلىبەك اقىندارمەن, 1961 جىلى رەسپۋبليكالىق اقىندار ايتىسىندا كوشەن, قايىپ, ت.ب. اقىندارمەن ونەر سايىستىرعان.
«توكپە اقىن ماياساردىڭ دومبىراسىن 1985 جىلى اقىننىڭ بالاسى ابدىقۇل ماياسار ۇلى مۋزەي قورىنا وتكىزگەن.
دومبىرا ەكى ىشەكتى, قايىڭنان جاسالعان. مويىن ۇزىندىعى – 48 سم, شاناعى – 32 سم.
ماياسار جاپاقوۆتان كەزىندە شورتانبايدىڭ «قاراكەسەك», «اعىباي باتىر» داستاندارى مەن ولەڭدەرى, سونداي-اق «شوجە مەن كەمپىربايدىڭ ايتىسى», «شال مەن قاسقىردىڭ ايتىسى» اتتى اۋىز ادەبيەتىنىڭ ۇلگىلەرى جازىلىپ الىندى. ىبىراي, ءمادي, مۇحيت ءتارىزدى ءانشى, اقىنداردى ۇستاز تۇتقان», – دەيدى مۋزەيدەگى قور ساقتاۋشى اقنۇر رىسبەكوۆا.
ۇلىتاۋ وبلىسى
