ستاتيستيكاعا سايكەس, ورتاشا جالاقى (ەڭبەكاقى دياپازونىنىڭ ورتالىق دەڭگەيى) 2025 جىلدىڭ ءبىرىنشى توقسانىندا 300 307 تەڭگەنى قۇرادى. كاسىپكەرلىك قىزمەتپەن اينالىساتىن شاعىن كاسىپكەرلىك سۋبەكتىلەرىن ەسەپكە الماعاندا, ورتاشا اتاۋلى جالاقى وسى كەزەڭدە 423 133 تەڭگەنى قۇرادى. 2024 جىلدىڭ سايكەس توقسانىمەن سالىستىرعاندا ءوسىم 10,7 پايىزدى قۇرادى.
«2024 جىلدىڭ سايكەس توقسانىمەن سالىستىرعاندا ورتاشا ايلىق جالاقىنىڭ ەڭ جوعارى ءوسىمى اقپارات جانە كوممۋنيكاتسيا سالاسىندا – 31,3 پايىزعا, اۋىل, ورمان جانە بالىق شارۋاشىلىعىندا – 17,3 پايىزعا, ونەر, ويىن-ساۋىق جانە دەمالىس سالاسىندا – 16,1 پايىزعا ءوستى», دەلىنگەن ۇلتتىق ستاتيستيكا بيۋروسى تاراتقان حابارلامادا.
وڭىرلىك ماندە ورتاشا ايلىق اتاۋلى جالاقىنىڭ ەڭ كوپ ءوسۋى ۇلىتاۋ وبلىسىندا (19,4 پايىزعا), قوستاناي وبلىسىندا (14,6 پايىزعا) جانە الماتى قالاسىندا (14,2 پايىزعا) بايقالدى.
