كەلىسىمگە قازاقستان مەن ۆەتنام اراسىنداعى ىسكەرلىك دوڭگەلەك ۇستەل اياسىندا قول قويىلدى. «مامىلە جەكەشەلەندىرۋدىڭ كەشەندى جوسپارى اياسىندا جۇزەگە استى. ساتىپ الۋشى — SOVICO Group كومپانياسى. مامىلەنىڭ كەيىنگە قالدىرىلعان بارلىق شارتتارى ورىندالدى, تولەم تولىق قابىلداندى, ال اكتسيالار ينۆەستوردىڭ ەسەپشوتىنا اۋدارىلدى», دەدى «سامۇرىق-قازىنا» اق باسقارما توراعاسى نۇرلان جاقىپوۆ.
ايتا كەتەيىك, ۆەتنامدىق كومپانيا قازاقستانداعى اۋەجايدى ساتىپ الۋدى جوسپارلاپ وتىر. ۆيتسە-پرەمەر سەرىك جۇمانعاريننىڭ سوزىنە قاراعاندا, جۋىردا Qazaq Air اۋە كومپانياسىن ساتىپ العان ۆەتنامدىق SOVICO Group قازاقستانداعى اۋەجايلاردىڭ ءبىرىن باسقارۋعا الۋعا نيەتتى. كومپانيا قارقىندى دامىپ كەلەدى, حالىقارالىق كەلىسىمشارتتارى بار جانە قازاقستاندى نەگىزگى ستراتەگيالىق الاڭ رەتىندە قاراستىرىپ وتىر.
ۆەتنام قازاقستاننىڭ وڭتۇستىك-شىعىس ازياداعى ەڭ ءىرى سەرىكتەستەرىنىڭ ءبىرى. 2023 جىلى ەكى ەل اراسىنداعى تاۋار اينالىمى 879 ملن دوللار بولدى. قازاقستان ۆەتنامعا مىرىش پەن قورعاسىن ەكسپورتتاسا, ۆەتنامنان تەحنيكا مەن دايىن ونىمدەر يمپورتتايدى. سونىمەن قاتار, ەلىمىزدە ۆەتنامنان كەلگەن ءىرى ينۆەستورلار جۇمىس ىستەپ جاتىر.
