فوتو: ۇكىمەتتىڭ ءباسپاسوز قىزمەتى
پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين قازىرگى تاڭدا مەملەكەتتىڭ ەكونوميكاداعى ۇلەسىن ازايتۋ جانە ورتا بيزنەستىڭ ىشكى جالپى ونىمدەگى ء(جىو) ۇلەسىن ارتتىرۋ باعىتىندا جۇيەلى جۇمىستار جۇرگىزىلىپ جاتقانىن باياندادى. ونىڭ ايتۋىنشا, الداعى ۋاقىتتا مەملەكەت تەك الەۋمەتتىك ماڭىزى بار جانە ستراتەگيالىق سەكتورلاردا عانا قاتىساتىن بولادى.
باسەكەلەستىكتى قورعاۋ جانە دامىتۋ اگەنتتىگىنىڭ توراعاسى مارات وماروۆ ءوز كەزەگىندە باسەكەلەستىكتى شەكتەيتىن توسقاۋىلداردى جويۋعا باعىتتالعان شارالار جونىندە مالىمەت بەردى.
وتىرىس قورىتىندىسىندا 475 كاسىپكەرلىك سۋبەكتىنى جەكەشەلەندىرۋگە, بىرىكتىرۋگە نەمەسە تاراتىلۋعا جاتاتىن نىساندار ءتىزىمى بەكىتىلگەن. بۇل جۇمىس 2030 جىلعا دەيىن كەزەڭ-كەزەڭىمەن جۇزەگە اسىرىلادى, ال كاسىپورىنداردىڭ باسىم بولىگى 2025–2026 جىلدارعا ارنالعان ءىس-شارالار جوسپارىنا ەنگىزىلگەن.
ولجاس بەكتەنوۆ قابىلدانعان جارلىقتىڭ ۋاقىتىندا ورىندالۋى قاجەت ەكەنىن باسا ايتىپ, جۇمىستاردىڭ ۇنەمى باقىلاۋدا بولاتىنىن اتاپ ءوتتى.
