وزگەرىستەرگە ۇمتىلىستىڭ وزەكتىلىگى اتالدى

قازاقستاننىڭ ليۆانداعى ديپلوماتيالىق ميسسياسى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ جاريا ەتكەن 5 ينستيتۋتتىق رەفورمانى جۇزەگە اسىرۋ بويىنشا 100 ناقتى قادامنان  تۇراتىن ۇلت جوسپارىن ءتۇسىندىرۋ ماقساتىندا ءباسپاسوز ءماسليحاتىن وتكىزدى. ءباسپاسوز ءماسليحاتىنا ليۆانداعى بىرقاتار كور­نەكتى ساياسي جانە ىسكەر توپتاردىڭ قايراتكەرلەرى جانە بۇقارالىق اقپارات قۇرالدارىنىڭ وكىلدەرى قاتىستى. ءىس-شارا باستالار الدىندا قازاقستاننىڭ ليۆانداعى سەنىمدى وكىلى داۋلەت ەمبەرديەۆ ليۆاننىڭ «تەلەليبان» ورتالىق تەلەديدار ارناسىنا 5 ينستيتۋتتىق رەفورما جونىندە سۇحبات بەردى. د.ەمبەرديەۆ ۇلت جوسپارى قازاقستاننىڭ قازىرگى زاماننىڭ قاۋىپ-قاتەرلەرىنە جاۋابى بولىپ تابىلاتىنىن جانە ونىڭ ىسكە اسىرىلۋى الداعى 10-15 جىلدا الەمدەگى اسا دامىعان 30 مەملەكەتتىڭ قاتارىنا كىرۋگە مۇمكىندىك بەرەتىنىن اتاپ ءوتتى. ءباسپاسوز ءماسليحاتىنا قاتىسۋشىلار قازاق­ستاندا جوسپارلانعان رەفورمالارعا جوعارى باعا بەردى. اتاپ ايتقاندا, ليۆاننىڭ اۋىل شارۋاشىلىعى ونىمدەرىن وندىرۋشىلەردىڭ جالپى سينديكاتىنىڭ پرەزيدەنتى ارسلان سيننو قازىرگى جاعدايلاردا وسى رەفورمالاردىڭ ۋاقتىلى قولعا الىنعانىن ەرەكشە اتاپ ءوتىپ, ولاردىڭ ارقاسىندا قازاقستان ءوز دامۋىنىڭ تۇبەگەيلى جاڭا دەڭگەيىنە شىعاتىندىعىنا سەنىم ءبىلدىردى. ليۆان وليمپيادالىق كوميتەتى پرەزيدەنتىنىڭ ورىنباسارى مازەن رامادان وسى رەفورمالاردىڭ وزەكتىلىگىنە توقتالدى. ال ليۆاننىڭ مەملەكەتتىك قىزمەت ىستەرى اگەنتتىگى باسشىسىنىڭ ورىنباسارى نيسسرين ماشمۋشي ءوز ەلىندەگى مەملەكەتتىك قىزمەت ينستيتۋتىن دامىتۋ ءۇشىن قولدانۋعا بولاتىن ءبىرىنشى رەفورمانىڭ كوپتەگەن تارماقتارىن وزىنە بەلگىلەپ العاندىعىن مالىمدەدى. تىلشىلەردىڭ جۇمىستارىن جەڭىلدەتۋ ماقساتىندا ديپميسسيا تاراپىنان ۇلت جوسپارىنىڭ ءماتىنى اعىلشىن جانە اراب تىلدەرىندە دايىندالىپ, ۇلەس­تىر­مەلى ماتەريالدار تۇرىندە تاراتىلدى. سونىمەن قاتار, ەكسپو-2017 تاقىرىبىنداعى ماتەريالدار دا بەرىلدى. «ەگەمەن-اقپارات».