اتالعان باستاما – قازاقستان حالقى اسسامبلەياسىنىڭ مەرەيتويىمەن تۇسپا-تۇس كەلىپ وتىر. 30 جىل بويى ەتنوسارالىق تاتۋلىق پەن قوعامدىق كەلىسىمدى ساقتاۋدا ماڭىزدى ءرول اتقارىپ كەلە جاتقان قحا-نىڭ XXXIV سەسسياسىندا مەملەكەت باسشىسى ۇلتارالىق كەلىسىم مەن تۇراقتىلىقتى نىعايتۋ – مەملەكەتتىك ساياساتتىڭ باستى باعىتتارىنىڭ ءبىرى بولىپ قالا بەرەتىنىن اتاپ ايتقانى ءمالىم. اتالعان ميسسيانى جالعاستىرا وتىرىپ, مەملەكەتتىك باسقارۋ اكادەمياسى «وزگەرىستەر كەڭسەسى» مەن ەلەكتورالدىق وقىتۋ ورتالىعىنىڭ باستاماسىمەن تىلدىك ءارى مادەني باستامالارعا ۇيىتقى بولىپ وتىر.
جوبا شەڭبەرىندە اكادەميانىڭ قىزمەتكەرلەرى مەن ماگيسترانتتارى, سونداي-اق مەملەكەتتىك قىزمەت ىستەرى اگەنتتىگىنىڭ وكىلدەرى تۇرىك ءتىلىنىڭ باستاپقى دەڭگەيىن ەكى جارىم اي ىشىندە قازاق ءتىلى ارقىلى مەڭگەرىپ جاتىر, ەرەكشەلىگى – وقىتۋ ءتىلى رەتىندە مەملەكەتتىك ءتىلدىڭ قولدانىلۋى.
جوبا العاشقى ناتيجەسىن دە بەردى. ناقتى ايتقاندا ءساۋىر ايىندا اكادەميانىڭ ماگيسترانتتار توبى انكارادا تاعىلىمدامادان ءوتتى. ولار تۇرىك تىلىندە ەركىن سويلەسىپ, وقۋ بارىسىندا العان بىلىمدەرىن تاجىريبەدە قولدانا الدى.
«اكادەميانىڭ ەلەكتورالدىق وقىتۋ ورتالىعى ۇيىمداستىرعان بۇل جوبا ءبىز ءۇشىن ۇلكەن مۇمكىندىك بولدى. بار بولعانى بىرنەشە اپتانىڭ ىشىندە ا1 دەڭگەيىن مەڭگەرىپ, العان ءبىلىمىمىزدى تۇركيادا ءساتتى قولداندىق. ۇيىمداستىرۋشىلارعا العىسىمىز شەكسىز», دەيدى ماگيسترانت اسەل بوكەن.
ال, مەملەكەتتىك باسقارۋ اكادەمياسىنىڭ ماگيسترانتى قۇلشار قالىبەكتىڭ ايتۋىنشا, ءتىل كۋرسىنان العان بىلىمدەرى انكارادا تۇرىك ازاماتتارىمەن ەركىن سويلەسۋگە جول اشقانى – ۇلكەن جەتىستىك.
ايتا كەتكەن ءجون, پرەزيدەنت جانىنداعى مەملەكەتتىك باسقارۋ اكادەمياسى – ەلدىڭ ەرتەڭىن ايقىندايتىن مەملەكەتتىك باسقارۋ سالاسىنىڭ كوشباسشىلارىنا ءبىلىم بەرەتىن ەرەكشە مارتەبەلى وقۋ ورنى. ال كوپ ءتىل ءبىلۋ – قازىرگى زامان باسشىسى ءۇشىن قاجەتتىلىك.
اتالعان اكادەميانىڭ ماگيسترانتۋرا جانە دوكتورانتۋرا ءبىلىم باعدارلامالارىنا وقۋعا قۇجات قابىلداۋ وسى جىلدىڭ 1 ساۋىرىنەن 25 ماۋسىمىنا دەيىن جالعاسادى.
