فوتو: Polisia.kz
ء«بىزدىڭ جۇمىس تەك ءتارتىپتى باقىلاۋ عانا ەمەس, ازاماتتاردىڭ ومىردەن ءتۇڭىلىپ كەتپەي, قوعامعا قايتا ءسىڭىسىپ كەتۋىنە كومەكتەسۋ. كاسىپ اشۋعا, جۇمىسقا ورنالاسۋعا, مەديتسينالىق كومەك پەن زاڭگەرلىك كەڭەس الۋعا مۇمكىندىك جاساۋ» دەيدى جەزقازعان قالالىق پروباتسيا قىزمەتىنىڭ باستىعى گ.بالمامەدوۆ.
جيىن بارىسىندا جازاسىن وتەۋشىلەرگە قىسقا مەرزىمدى وقۋ كۋرستارى, قايتارىمسىز گرانتتار, وبلىس اكىمىنىڭ كۆوتاسى ارقىلى تۇراقتى جۇمىسقا ورنالاسۋ جولدارى ءتۇسىندىرىلدى.
وبلىستىق ەڭبەك موبيلدىلىگى ورتالىعىنىڭ ديرەكتورى ايدار قويشىباەۆتىڭ ايتۋىنشا جازالىلار قىلمىسىن قايتالاماس ءۇشىن جانە تۇرمەگە تۇسپەس ءۇشىن جۇمىسپەن قامتۋعا قارەكەت جاسالىپ, ماماندىعى بولماعان جاعدايدا قىسقا مەرزىمدى كاسىپتىك وقۋلارعا جىبەرىلەدى. الەۋمەتتىك وسال توپتاعى جاندارعا 1,5 ملن. تەڭگەنى قۇرايتىن قايتارىمسىز گرانت بار. بۇعان مۇگەدەكتىگى بار, از قامتىلعان وتباسى, كوپ بالالالى انا, اكە, ەرەكشە بالا تاربيەلەپ وتىرعان كىسىلەر قاتىسا الادى.
جيىندا پروكۋراتۋرا وكىلدەرى پروباتسيا قىزمەتى جۇمىسپەن قامتۋ ورتالىعىمەن بىرلەسىپ جۇمىس ىستەۋ قاجەتتىگىن جانە جاسالعان جۇمىس قورىتىندىسىن رەسمي ستاتيستيكامەن ناقتى كورسەتۋدى ۇسىندى.
ۇلىتاۋ وبلىسى
