ۆەدومستۆو تۇركيا بيلىگىنىڭ اقپاراتى بويىنشا 23 ساۋىردە ىستامبۇل ماڭىندا ماگنيتۋداسى 6,2 بالدىق جەر سىلكىنىسى بولىپ, ارتىنان افتەرشوكتار جالعاسىپ جاتقانىن مالىمدەدى.
- قازىر تۇركيا اۋماعىنداعى قازاقستان ازاماتتارىنان ىستامبۇل قالاسىنداعى قر باس كونسۋلدىعىنا وتىنىشتەر تۇسكەن جوق. قر سىرتقى ىستەر مينيسترلىگى تۇركيا بيلىگىمەن جانە قازاقستاننىڭ تۇركياداعى ديپلوماتيالىق وكىلدىكتەرىمەن بىرلەسىپ, احۋالدىڭ دامۋىن قاداعالاپ وتىر. ىستامبۇل قالاسىنداعى قر باس كونسۋلدىعىنىڭ كونسۋلدىق ەسەبىندە 1137 قازاقستان ازاماتى تىركەلگەن. وتانداستارىمىزدى سابىرلىق تانىتىپ, قاۋىپسىزدىك شارالارىن ساقتاۋعا, سونداي-اق, جەرگىلىكتى بيلىك ورگاندارىنىڭ نۇسقاۋلارىن مۇلتىكسىز ورىنداۋعا شاقىرامىز, - دەپ جازىلعان حابارلامادا.
بۇعان دەيىن تۇركيادا 6,2 بالدىق جەر سىلكىنىسى بولعانى حابارلاندى. الدىمەن سيليۆري جاعالاۋىندا ماگنيتۋداسى 3,9 بولاتىن جەر سىلكىنىسى تىركەلگەن. ودان كەيىن ماگنيتۋداسى 6,2 بولاتىن ەكىنشى ءزىلزالا تىركەلدى. جەر سىلكىنىسى شامامەن 10 سەكۋند بويى سەزىلگەن. قۇرباندار مەن قيراعان عيماراتتار تۋرالى اقپارات جوق.
