اتالعان زاڭ جوباسىنا قازاقستان رەسپۋبليكاسى پارلامەنتى سەناتىنىڭ دەپۋتاتتارى باستاماشىلىق ەتتى.
زاڭ جوباسىنىڭ نەگىزگى نورمالارى:
- اۋىلدىق ەلدى مەكەندەردىڭ نەمەسە الەۋمەتتىك (ەمدەۋ جانە ءبىلىم بەرۋ مەكەمەلەرى, قازىرگى زيراتتار), ينجەنەرلىك ينفراقۇرىلىم (كارىز-تازارتۋ قۇرىلىسجايلارى, ەلەكتر بەرۋ جەلىلەرى) وبەكتىلەرىنىڭ جۇمىس ىستەۋىن قامتاماسىز ەتۋ ءۇشىن ەرەكشە قورعالاتىن تابيعي اۋماقتاردىڭ جەرلەرىن اۋىستىرۋ ءۇشىن رۇقسات بەرۋگە;
- ينجەنەرلىك جانە كوممۋنالدىق قامتاماسىز ەتۋ جەلىلەرىنىڭ كوممۋنيكاتسيالارىن سالۋ ءۇشىن مەملەكەتتىك ورمان قورى جەرلەرىن باسقا ساناتتاعى جەرلەرگە اۋىستىرۋعا رۇقسات بەرۋگە;
- الاكول مەملەكەتتىك تابيعي قورىعىنىڭ ارنايى بولىنگەن ۋچاسكەلەرىندە جەرگىلىكتى حالىقتىڭ مۇقتاجى ءۇشىن ءشوپ شابۋ مۇمكىندىگى ماسەلەسىن ۋاكىلەتتى ورگاننىڭ بەلگىلەگەن تارتىپپەن شەشۋگە باعىتتالعان.
سونداي-اق, زاڭ جوباسىن قاراۋ بارىسىندا كەلەسى نورمالار قارالىپ, ولار بويىنشا قورىتىندى الۋ ءۇشىن ۇكىمەتكە جولداندى.
- قازاقستان رەسپۋبليكاسىنىڭ جەر جانە ورمان كودەكستەرىنە گيدروەلەكتر ستانتسيالارىن سالۋ ءۇشىن جەر ۋچاسكەلەرىن بەرۋگە;
- ورمان قورى جەرلەرىندە كومىرتەگى وفسەتتەرىن ىسكە اسىرۋعا, ورماندا ءورت قاۋپى بولعان جاعدايدا قاجەتتى جانار-جاعارمايمەن جانە ورمان ورتتەرىن ءسوندىرۋ ءۇشىن اۋە كەمەلەرىنىڭ اۆياوتىن رەزەرۆتەرىن جاساقتاۋعا, سونىمەن بىرگە ورمان قورعاۋ قىزمەتكەرلەرىنىڭ قوعامدىق قورعاۋ جانە ماتەريالدىق كومەك كورسەتۋگە;
- ەرەكشە قورعالاتىن تابيعي اۋماقتاردىڭ جەرلەرىن اۋىلدىق ەلدى مەكەندەردىڭ جۇمىس ىستەۋى ءۇشىن باسقا ساناتتاعى جەرلەرگە اۋىستىرۋ جونىندەگى نورمالاردى الىپ تاستاۋعا باعىتتالعان.
دەپۋتاتتىڭ ايتۋىنشا, جوعارىدا باياندالعان نورمالار بويىنشا ۇكىمەت پەن پارلامەنت ءماجىلىسىنىڭ كوميتەتتەرى وسى زاڭ جوباسى بويىنشا وڭ قورىتىندىلارىن بەردى.
جۇمىس توبىنىڭ قۇرامىنا پارلامەنت دەپۋتاتتارى, ەكولوگيا جانە تابيعي رەسۋرستار, اۋىل شارۋاشىلىعى, ونەركاسىپ جانە قۇرىلىس, سۋ رەسۋرستارى جانە يرريگاتسيا, توتەنشە جاعدايلار جانە ادىلەت مينيسترلىگىنىڭ وكىلدەرى كىردى.
ايتا كەتەيىك, زاڭ جوباسى بويىنشا تانىستىرىلىم وتكىزىلدى. جۇمىس توبىنا الپىستان استام تۇزەتۋلەر كەلىپ ءتۇستى, ولار جۇمىس توبىنىڭ ون ءبىر وتىرىسىندا جانە كوميتەتتىڭ كەڭەيتىلگەن وتىرىسىندا قارالدى.
دەپۋتات جوعارىداعى ايتىلعانداردى ەسكەرە وتىرىپ, زاڭ جوباسىن ءبىرىنشى وقىلىمدا ماقۇلداۋ مۇمكىن دەپ سانايتىنىن ايتتى.
