وسى مەرەكە جاقىندا س.مۇقانوۆ اتىنداعى وبلىستىق عىلىمي-امبەباپ كىتاپحانادا «كىتاپ – ۇلتتىق قازىنا» اتتى مەرەكەلىك ءىس-شارامەن تۇڭعىش رەت اتاپ ءوتىلدى. وعان مادەنيەت, تىلدەردى دامىتۋ جانە ارحيۆ ءىسى باسقارماسىنىڭ باسشىسى دوسبول ءابدىرايىسوۆ, ەكس-ءماجىلىس دەپۋتاتى, جازۋشى جاراسباي سۇلەيمەنوۆ, ۇلتتىق ۇلان اكادەمياسىنىڭ وفيتسەرلەرى مەن كۋرسانتتارى, وبلىستىڭ زيالى قاۋىم وكىلدەرى, اۋدانداردىڭ كىتاپحانا قىزمەتكەرلەرى, ستۋدەنتتەر مەن مەكتەپ وقۋشىلارى قاتىستى.
الدىمەن كورمە بولىپ, كىتاپحاناداعى كىتاپ قورى, يننوۆاتسيالىق جوبالار جانە ت.ب. تانىستىرىلدى. مەرەكە «كىتاپ-ۇلتتىق قازىنا» اتتى كونفەرەنتسياعا ۇلاستى.
سپيكەرلەر ءبىلىم مەن عىلىمنىڭ كىلتى كىتاپتا ەكەنىن, بۇرىنعى دانالاردان قالعان: «كىتاپ ءبىلىم بۇلاعى – ءبىلىم ءومىر شىراعى» دەگەن دانالىق ءسوز بارىن, ۇلى اباي دا: «پايدا ويلاما, ار ويلا, تالاپ قىل ارتىق بىلۋگە. ارتىق عىلىم كىتاپتا, ەرىنبەي وقىپ كورۋگە» دەگەن ناقىلدار ايتقانىن ەسكە الا وتىرىپ, بۇگىنگى كۇنگى كىتاپ وقىماۋدىڭ پروبلەمالارىن جانە ونى ەڭسەرۋدىڭ ءادىس-تاسىلدەرىن ورتاعا سالدى.
