اتالعان ءىس-شارا ۇلتتىق كىتاپ كۇنىنە وراي ۇيىمداستىرىلدى. كوكتەمگى مەكتەپكە باق وكىلدەرى, باسپا سالاسىنىڭ ماماندارى, جوعارى وقۋ ورىندارىنىڭ وقىتۋشىلارى, سونداي-اق بانگلادەش, ازەربايجان, تاجىكستان, قىتاي, موڭعوليا جانە رەسەي ەلدەرىنەن كەلگەن ستۋدەنتتەر, ماگيسترانتتار مەن دوكتورانتتار قاتىسىپ جاتىر.
كوكتەمگى مەكتەپ بارىسىندا مەديا ءماتىندى رەداكتسيالاۋ تەحنولوگيالارى, مەدياديزاينداعى جاڭاشىلدىق, كىتاپ يندۋسترياسىنداعى جاساندى ينتەللەكتىڭ ءرولى, فاكتچەكينگ جانە اقپاراتتى ۆەريفيكاتسيالاۋ, مەدياەتيكا مەن مەدياساۋاتتىلىق, سونداي-اق digital جۋرناليستيكانىڭ وزەكتى ماسەلەلەرى تالقىلانادى.
باعدارلاما اياسىندا حالىقارالىق ۇيىم وكىلدەرىنىڭ, تانىمال باسپا ماماندارى مەن جۋرناليستەردىڭ شەبەرلىك سىنىپتارى وتكىزىلەدى.
كۋرس سوڭىندا قاتىسۋشىلارعا 72 ساعاتتىق ارنايى سەرتيفيكات تابىستالادى.
