اششى سۋدىڭ الەگىنەن ەرلى-زايىپتىنىڭ اراسىندا جانجال شىققان. كۇيەۋىنىڭ وزىنە قول سالۋى مۇمكىن ەكەندىگىنەن قورىققان ايەل كورشىسىنىڭ ۇيىنە قاشىپ كەتكەن. ءبىراز ۋاقىتتان سوڭ, كۇيەۋى ەسىن جيناعان شىعار دەپ ورالسا ءۇيدىڭ وتقا ورانىپ بارا جاتقانىن كورەدى. ەسى شىققان ايەل دەرەۋ ۋچاسكەلىك ينسپەكتور قادىربەك يسينگە حابارلايدى. شۇعىل «جەدەل جاردەم» مەن ء«ورت ءسوندىرۋ» قىزمەتىن شاقىرعان ينسپەكتور ءوزى دابىلىن بەزىلدەتىپ جانىپ جاتقان ۇيگە جەتەدى.
ۇيدە ادام بارىن بىلگەن ول ايال قىلماي وتتىڭ ورتاسىنا كىرىپ, ەسىنەن تانعان 42 جاستاعى ءۇي يەسىن الىپ شىعادى. بۇل ۋاقىتتا جەدەل جاردەم دە جەتىپ, ەر ادامعا العاشقى كومەكتەرىن كورسەتكەن. ءسويتىپ ينسپەكتور ءبىر ادامدى ولىمنەن الىپ قالدى. ال ءورت سوندىرۋشىلەر ۇيدەگى وتتى وشىرگەنىمەن ءتىلسىز جاۋ كوپ شىعىن كەلتىردى. وت سوندىرىلمەگەن تەمەكىمەن ماس كۇيىندە ۇيىقتاپ قالعاننان شىققان دەگەن قورىتىندى جاسالدى.
