كەڭەس بارىسىندا ءوڭىر باسشىسى وتكەن وتىز جىل ىشىندە اسسامبلەيا ازاماتتىق قوعامنىڭ ماڭىزدى ينستيتۋتىنا اينالىپ, قوعامدىق كەلىسىمدى, تۇراقتىلىق جانە ۇلتتىق بىرلىكتى نىعايتۋدا شەشۋشى ءرول اتقارعانىن العا تارتتى.
«مەملەكەت باسشىسى قاسىم-جومارت كەمەل ۇلى توقاەۆ قازاقستان حالقى اسسامبلەياسىنىڭ قوعامداعى ءوزارا تۇسىنىستىك پەن كەلىسىمدى نىعايتۋعا ولشەۋسىز ۇلەس قوسىپ جاتقانىن اتاپ ءوتتى. وبلىسىمىزدىڭ قازاقستان حالقى اسسامبلەياسى 30 جىل ىشىندە وڭىردە بىرلىك پەن كەلىسىمدى نىعايتۋ, ەتنوسارالىق قاتىناستاردى دامىتۋ سالاسىندا بىرقاتار جەتىستىكتەر مەن ناتيجەلەرگە قول جەتكىزدى. اتاپ ايتساق, ءبىلىم بەرۋ, مادەنيەت مەكەمەلەرىندە, ۇيىمداردا, اۋدانداردا جالپىۇلتتىق بىرلىكتى نىعايتۋ, مەملەكەتتىك ءتىلدى جانە ۇلتتىق داستۇرلەردى دارىپتەۋ, وتباسىلىق قۇندىلىقتاردى ناسيحاتتاۋ بويىنشا كەزدەسۋلەر, سونىمەن قاتار, ەتنومەدياتسيا بويىنشا سەمينارلار, قايىرىمدىلىق اكتسيالارى, شىعارماشىلىق ۇجىمداردىڭ كونتسەرتتەرى جانە ت.ب. ءىس-شارالار ۇيىمداستىرىلىپ, مىڭداعان ادام قامتىلدى. وسى وزدەرىڭىزبەن بىرلەسە وتكىزىلگەن ءىس-شارالاردىڭ ارقاسىندا وڭىردە تاتۋلىق پەن دوستىقتى نىعايتىپ كەلەمىز», - دەپ اتاپ ءوتتى اكىم.
سونداي-اق جيىندا قحا اقتوبە وبلىسى بويىنشا توراعا ورىنباسارى, وبلىستىق ءماسليحات دەپۋتاتى سەرگەي ۆيشنياك ءسوز الىپ, اسسامبلەيانىڭ اتقارعان جۇمىستارىنا توقتالدى. ال, وبلىستىق قازاقستان حالقى اسسامبلەياسى جانىنداعى اقساقالدار كەڭەسىنىڭ توراعاسى رومان راحيەۆ ارداگەرلەردىڭ بەيبىتشىلىك پەن كەلىسىمنىڭ 30 جىلىنا قوسقان ۇلەسىن تىلگە تيەك ەتتى.
«اقتوبە وبلىستىق قازاقستان حالقى اسسامبلەياسى ەل بويىنشا ۇزدىك بەستىككە ەنەدى. ءبىز ءارى قاراي دا بار كۇشىمىزدى سالىپ, حالىقتار اراسىنداعى دوستىقتى, بەيبىتشىلىك پەن كەلىسىمدى نىعايتۋ ءۇشىن جۇمىس ىستەي بەرەمىز», – دەدى سەرگەي ۆيشنياك.
«قازاقستان حالقى اسسامبلەياسىنا 30 جىل» مەرەكەلىك مەدالى ەتنومادەني بىرلەستىك وكىلدەرىنە, قوعام قايراتكەرلەرىنە, عالىمدارعا, پەداگوگتارعا, قحا ارداگەرلەرىنە, سونداي-اق اسسامبلەيا باعدارلامالارىن جۇزەگە اسىرۋعا بەلسەندى قاتىسىپ جۇرگەن جاس كوشباسشىلارعا تابىستالدى.
ماراپاتتالعانداردىڭ قاتارىندا قازاقستان حالقى اسسامبلەياسىنىڭ اقتوبە وبلىسى بويىنشا توراعا ورىنباسارى, وبلىستىق ءماسليحات دەپۋتاتى سەرگەي ۆيشنياك, قحا توراعاسىنىڭ وبلىستاعى ورىنباسارى, «اقتوبە وبلىسى كورەيلەر قاۋىمداستىعى» قوعامدىق بىرلەستىگىنىڭ توراعاسى يۋري شەك, اقتوبە وبلىسىنىڭ كورەيلەر قاۋىمداستىعىنىڭ ارداگەرى كونستانتين تسحاي, «ۆايناح» شەشەن ەتنومادەني بىرلەستىگىنىڭ ارداگەرى حاسان ساعاەۆ, قحا ارداگەرى ەركىن قۇرمانبەك جانە باسقالار بار.
قحا مۇشەلەرى ەڭبەكتەرىنە بەرىلگەن جوعارى باعا ءۇشىن العىستارىن ءبىلدىرىپ, دوستىق, توزىمدىلىك پەن بىرلىكتى دامىتۋعا ءارى قاراي دا ۇلەس قوسۋعا ءازىر ەكەندىكتەرىن جەتكىزدى.
