قازاقستان رەسپۋبليكاسىنىڭ امەريكا قۇراما شتاتتارىنداعى ەلشىلىگى تۇركيا, وزبەكستان, ازەربايجان, قىرعىزستان, تۇرىكمەنستان ەلشىلىكتەرىمەن بىرلەسە وتىرىپ, ۆاشينگتون قالاسىندا ناۋرىز مەرەكەسىنە ارنالعان ورتاق ءىس-شارا ۇيىمداستىردى. اتالعان ءىس-شارا اياسىندا قالا تۇرعىندارىنا اتالعان ەلدەردىڭ ۇلتتىق مۋزىكاسى مەن بي ونەرى ۇسىنىلدى. ۆاشينگتوندا قازاقتىڭ «گۇلدەر» توبى «اققۋ», «مەيرام» بيلەرىن, سونىمەن بىرگە ۇلتىمىزدىڭ شاشۋ, تۇساۋكەسەر راسىمدەرىن دە ءىس-شاراعا قاتىسۋشىلارعا كورسەتتى.
سالتى مەن ءداستۇرى ءبىر تۇركى جۇرتىنىڭ ورتاق مەيرامى رەتىندە تويلانعان بۇل ءىس-شارا الىستاعى امەريكا جۇرتشىلىعىنىڭ تۇركى حالىقتارى سالت-ءداستۇرىن تۇسىنۋىنە, سول ارقىلى ورتالىق ازياداعى تۋىسقان ەلدەردىڭ ىنتىماعى مەن بىرلىگىن سەزىنۋىنە تۇرتكى بولدى.
