جاڭا سالىق كودەكسىنىڭ جوباسىندا نەكەنى بۇزۋ كەزىندە تولەنەتىن مەملەكەتتىك باج سالىعىن قازىرگى 0,5 اەك-تەن (2025 جىلى – 1 966 تەڭگە) 5 اەك-كە (19 660 تەڭگە) دەيىن كوبەيتۋ ۇسىنىلعان.
ءماجىلىس دەپۋتاتى بەرىك بەيسەنعاليەۆتىڭ ايتۋىنشا, بۇل وزگەرىس ازاماتتاردى اجىراسۋ تۋرالى شەشىمدى ەموتسياعا بەرىلمەي, سالماقتى تۇردە قابىلداۋعا يتەرمەلەيدى.
- جوعارى باج سالىقتارىن ەنگىزۋ – ساتتىك سەزىمدەرمەن اجىراسۋعا شەشىم قابىلدايتىن ازاماتتار ءۇشىن تەجەۋ فاكتورى بولادى. بۇل اسىرەسە جاستار اراسىندا ورىنسىز اجىراسۋلاردىڭ ازايۋىنا ىقپال ەتۋى مۇمكىن, – دەدى بەيسەنعاليەۆ.
دەپۋتاتتىڭ سوزىنشە, باستاما مەملەكەتتىك بيۋدجەتتى تولتىرۋدى ەمەس, وتباسىلىق قۇندىلىقتارعا دەگەن جاۋاپكەرشىلىكتى ارتتىرۋدى كوزدەيدى.
