فوتو: gov.kz
ۇلتتىق ستاتيستيكا بيۋروسىنىڭ اقپاراتىنا سايكەس, قۇرىلىس ماتەريالدارىنىڭ باعا يندەكسى اقپانمەن سالىستىرعاندا 100,5 پايىزدى, ال 2024 جىلدىڭ ناۋرىزىمەن سالىستىرعاندا 102,2 پايىزدى قۇرادى. سالىستىرۋ ءۇشىن, قاڭتار مەن اقپاندا بۇل كورسەتكىشتەر تيىسىنشە 99,9 جانە 100,1 پايىزدان تومەن بولدى.
2025 جىلدىڭ باسىنان بەرى تەڭگە رۋبلگە قاتىستى 20 پايىزدان استام ارزاندادى. بۇل قازاقستاندىق ساتىپ الۋشىلار ءۇشىن رۋبلدەگى وزگەرىسسىز باعانىڭ وزىندە رەسەيلىك ماتەريالداردىڭ قىمباتتاۋىنا الىپ كەلدى.
ساراپشىلار قۇرىلىس ماتەريالدارى باعاسىنىڭ ءوسۋى جىلجىمايتىن م ۇلىك نارىعىنا اسەر ەتۋى مۇمكىن دەپ ەسكەرتەدى. كوكتەمدە, سۇرانىستىڭ جاندانۋى اياسىندا, قۇرىلىس سالۋشىلار تۇرعىن ءۇي قۇنىنا كوتەرىلگەن شىعىنداردى قوسۋدى باستايدى.
جالپى العاندا, 2025 جىلى قازاقستاننىڭ جىلجىمايتىن م ۇلىك نارىعىندا باعا وسەدى.
كەيبىر وڭىرلەردە شارشى مەتر قۇنىنىڭ ازداپ تومەندەۋىنە قاراماستان, تۇرعىن ءۇيدىڭ ودان ءارى قىمباتتاي بەرەتىنى بەلگىلى بولىپ قالدى.
ءوزىن-ءوزى رەتتەيتىن ريەلتورلار قاۋىمداستىعى پرەزيدەنتىنىڭ كەڭەسشىسى نينا لۋكيانەنكونىڭ ايتۋىنشا, جاڭا تۇرعىن ءۇي ۇسىنىستىڭ تومەندەۋىنەن جانە قۇرىلىس سالۋشىلارعا قويىلاتىن تالاپتاردىڭ قاتاڭداتىلۋىنان قىمباتتاۋى مۇمكىن.
«مۇنداي جاعدايدا ۇكىمەت پەن دەۆەلوپەرلەر حالىقتىڭ قالىڭ جىگى ءۇشىن تۇرعىن ءۇيدىڭ قولجەتىمدىلىگىن قامتاماسىز ەتۋ ماقساتىندا سۇرانىستى قولداۋ مەن ۇسىنىستى ۇلعايتۋ اراسىنداعى تەڭگەرىمدى تابۋى ءتيىس», دەيدى نينا لۋكيانەنكو.
ريەلتورلاردىڭ باسقا بولجامدارىنا قاراعاندا, 2025 جىلى ەڭ تانىمال پاتەرلەر 60 شارشى مەترگە دەيىن بولادى.
بۇدان بۇرىن ءبىز قازاقستان ۇكىمەتى تۇرعىن ءۇي باعدارلامالارىن قولداۋعا 500 ميلليارد تەڭگە بولەتىنىن حابارلاعان ەدىك. بۇل قاراجات «بايتەرەك» حولدينگى ارقىلى تۇسەدى. 300 ميلليارد تەڭگە جالعا بەرۋ ءۇشىن 21 مىڭ پاتەر ساتىپ الۋعا جۇمسالادى.
جالپى, ۇكىمەت بيىل 19 ميلليون شارشى مەتردەن كەم ەمەس تۇرعىن ءۇي سالۋدى جوسپارلاپ وتىر.
