جاسى كەلگەن ناۋقاس وڭەشى مەن سول جاق بۇيرەكتىڭ قاتەرلى ىسىكتەرىنە ۇلاسقان باستاپقى كوپ سينحروندى وبىر دياگنوزىمەن الماتى ونكولوگيالىق ورتالىعىنىڭ حيرۋرگيا بولىمشەسىنە جاتقىزىلعان ەدى.
سالىستىرمالى تۇردە سيرەك كەزدەسەتىن سينحروندى ىسىكتەر اۋىر دياگنوستيكا عانا ەمەس, كۇردەلى تەراپەۆتىك تاپسىرما دەسەك تە بولادى ءارى كەشەندى تاسىلدەر مەن وتانى مۇقيات جوسپارلاۋدى تالاپ ەتەدى.
مەديتسينالىق كونسيليۋم ناۋقاستى ەگجەي-تەگجەيلى تەكسەرىپ, جاعدايىن باعالاعاننان كەيىن, وڭەشتىڭ سۋبتوتالدى رەزەكتسياسىن زارداپ شەككەن ورگاننىڭ كوپ بولىگىنە قوسا, نەفرەكتوميانى - سول جاق بۇيرەكتى تولىعىمەن الىپ تاستايتىن ارالاس حيرۋرگيالىق وپەراتسيا جاساۋ تۋرالى شەشىم قابىلدايدى.
ونكوحيرۋرگيا بولىمشەسىنىڭ مەڭگەرۋشىسى نۇرلان بالتاەۆ جاساعان بۇل وتا حيرۋرگيالىق قانا ەمەس, انەستەزيولوگيالىق تۇرعىدان دا وتە كۇردەلى بولعان.
وڭەشتىڭ سۋبتوتالدى رەزەكتسياسى زارداپ شەككەن تىندەردى قورشاعان مۇشەلەردەن ءدال ءبولۋدى, تاماقتىڭ وتۋىنە جاڭا جول اشىپ, وتادان كەيىنگى ىقتيمال اسقىنۋلاردىڭ الدىن الۋدى تالاپ ەتەدى.
سونىمەن قاتار, نەفروەكتەميا وپەراتسيانىڭ قيىن تۇسى ەدى, ويتكەنى بۇل وتادا بۇيرەك تامىرلارىن ساقتاپ, قان جوعالتپاي, قالعان بۇيرەكتىڭ تولىق جۇمىس ىستەۋىن قامتاماسىز ەتۋ قاجەت.
مامانداردىڭ ايتۋىنشا, قيىندىقتارعا قاراماي, ءتورت ساعاتقا سوزىلعان وتا ءساتتى وتكەن.
