فوتو: rasp.odessa.ua
پاۆلوداردا ترامۆاي دەپوسىنا اپاراتىن كوپىر ماڭىندا ەر ادامدى پويىز قاعىپ كەتتى. قايتىس بولعان ەر ادامنىڭ جەكە باس مالىمەتتەرى انىقتالعان جوق, جاسى شامامەن 40-تا بولۋى مۇمكىن.
«ەر ادامدى پويىز قاعىپ كەتكەنى تۋرالى اقپارات ساعات 20.00-دە حابارلاندى. جەدەل جاردەم بريگاداسى وقيعا ورنىنا 7 مينۋتتا جەتتى. وكىنىشكە قاراي, مەديتسينا قىزمەتكەرلەرىنىڭ تەز جەتۋى ادامداردى ءاردايىم ومىردەن قۇتقارا بەرمەيدى. پويىز استىنا تۇسكەن ازامات العان جاراقاتتارى سالدارىنان سول جەردە كوز جۇمعانى انىقتالدى», دەپ حابارلادى وڭىرلىك جەدەل جاردەم ستانساسىنان.
پاۆلودار ستانساسىنداعى جەلىلىك پوليتسيا ءبولىمى قوزعالىس قاۋىپسىزدىگى ەرەجەسىن جانە تەمىر جول كولىگىن پايدالانۋ ەرەجەلەرىن بۇزىپ, ابايسىزدا كىسى ولىمىنە سوقتىرعان قايعىلى وقيعا بويىنشا قىلمىستىق ءىس قوزعالعانىن جەتكىزدى. قازىرگى ۋاقىتتا تەرگەۋ-تەكسەرۋ ءىس-شارالارى جۇرگىزىلىپ جاتىر.
