فوتو: جوعارعى سوت
«ويىل اۋدانىندا اقىلى مەديتسينالىق قىزمەتتەردىڭ قۇنى نەگىزسىز قىمباتتاتىلعانى انىقتالدى. №073/ە انىقتاماسى (كولىك قۇرالىن باسقارۋعا رۇقسات الۋ ۇشىن) جانە №075/ە انىقتاماسى (مەديتسينالىق كاسىبي-كونسۋلتاتسيالىق قورىتىندى) 7 705 تەڭگە, ال №076/ە انىقتاماسى (قارۋ ۇستاۋعا رۇقسات الۋ ءۇشىن) 9 405 تەڭگە بولعان», دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
انىقتالعانداي, قىزمەت باعاسىنا حيرۋرگ, نەۆروپاتولوگ قاراۋى جانە ۆاسسەرمان رەاكتسياسىنا قان تالداۋى سياقتى قوسىمشا مەديتسينالىق قىزمەتتەر نەگىزسىز ەنگىزىلگەن.
سونىمەن قاتار, اۋرۋحانانىڭ قاجەتتى دياگنوستيكالىق جابدىقپەن تولىق قامتىلماۋى سەبەبىنەن ناۋقاستار وبلىستىق مەديتسينالىق مەكەمەلەرگە جۇگىنۋگە ءماجبۇر.
«پروكۋرورلىق قاداعالاۋ اكتىسى نەگىزىندە انىقتامالار قۇنى №073/ە – 6 000 تەڭگەگە, №075/ە – 5 000 تەڭگەگە, №076/ە – 9 000 تەڭگەگە تومەندەتىلدى», دەلىنگەن حابارلامادا.
سونداي-اق, جەتىسپەيتىن جابدىقتاردى ساتىپ الۋ ماسەلەسى بويىنشا وبلىستىق دەنساۋلىق ساقتاۋ باسقارماسىنا ءوتىنىم جولدانعان. ناتيجەسىندە ازاماتتاردىڭ قۇقىقتارى قالپىنا كەلتىرىلىپ, جاۋاپتى لاۋازىمدى تۇلعالار تارتىپتىك جاۋاپكەرشىلىككە تارتىلدى.
