باقاناس اۋىلىندا اتالعان جوبا اياسىندا «BC Lengthy Life» جشس 4 پاتەرلى 6 تۇرعىن ءۇيدى تۇرعىزعان. جالپى سانى 24 كەڭ ءارى جايلى پاتەر ءوز يەلەرىنە تابىس ەتىلدى. مەملەكەتتىك باعدارلاما نەگىزىندە سالىنعان بۇل باسپانالار 638,4 ملن تەڭگەگە ساتىپ الىنعان.
پاتەر كىلتىن تابىستاۋ سالتاناتىنا اۋدان باسشىلىعى, قۇرىلىس كومپانياسىنىڭ وكىلدەرى جانە جاڭا پاتەر يەلەرى قاتىستى. جىلدار بويى ءۇيلى بولۋدى ارمان ەتكەن ازاماتتار قۋانىشتارىمەن ءبولىسىپ, مەملەكەت تاراپىنان جاسالعان قولداۋعا ريزاشىلىقتارىن ءبىلدىردى.
مۇنداي قۋانىشتى ءساتتى وتەگەن باتىر اۋىلىنىڭ تۇرعىندارى دا سەزىندى. «تۇرعىن ءۇي-كوممۋنالدىق ينفراقۇرىلىمدى دامىتۋدىڭ 2023–2029 جىلدارعا ارنالعان تۇجىرىمداماسى» اياسىندا حالىقتىڭ الەۋمەتتىك وسال توپتارىنا 10 پاتەر بەرىلدى. بۇل – تەك باسپانامەن قامتۋ باعىتىنداعى العاشقى قادامداردىڭ ءبىرى عانا.
ايتا كەتەيىك, بۇگىندە ىلە اۋدانىندا 5443 ازامات تۇرعىن ءۇي كەزەگىندە تۇر. ونىڭ ىشىندە 1878-ءى – كوپبالالى وتباسىلار, 1993-ءى – حالىقتىڭ الەۋمەتتىك وسال توپتارىنا جاتاتىن ازاماتتار, 807-ءسى – جەتىم جانە اتا-انا قامقورلىعىنسىز قالعان بالالار, 765-ءى – بيۋدجەتتىك سالا قىزمەتكەرلەرى. سوندىقتان اۋداندا باسپانامەن قامتۋ ماسەلەسى ەرەكشە نازاردا.
الماتى وبلىسى.
