مەملەكەت باسشىسىنىڭ تاپسىرماسىن ىسكە اسىرۋ ماقساتىندا رەسەي عىلىم اكادەمياسى جانە جەتەكشى عىلىمي زەرتتەۋ ينستيتۋتتارىمەن بىرلەسىپ اشىلعان ورتالىق ەكى ەلدىڭ عىلىمي زەرتتەۋ ينستيتۋتتارىمەن تىعىز ىنتىماقتاستىقتا جۇمىس ىستەيدى. وندا عالىمدار تاجىريبە الماسىپ, يننوۆاتسيالىق شەشىمدەر ازىرلەۋمەن اينالىسادى. مامانداردىڭ پىكىرىنشە, ورتالىق اۋىل شارۋاشىلىعىنا جوعارى تەحنولوگيالىق تاسىلدەردى ەنگىزۋدە بىرەگەي پلاتفورماعا اينالادى.
ورتالىقتىڭ اشىلۋ سالتاناتىندا پرەزيدەنت جانىنداعى ۇلتتىق عىلىم اكادەمياسىنىڭ پرەزيدەنتى ا.كۇرىشباەۆ, رەسەي عىلىم اكادەمياسىنىڭ ۆيتسە-پرەزيدەنتى پ.چەكماريوۆ, رەسەيدىڭ قازاقستانداعى ەلشىلىگىنىڭ كەڭەسشىسى د.دەسوۆ قۇتتىقتاۋ ءسوز سويلەپ, ەكى ەلدىڭ عالىمدارى ورتاق جوبانىڭ تاياۋ بولاشاقتاعى مۇمكىندىكتەرى تۋرالى پىكىرلەرىمەن ءبولىستى.
«ەكى ەلدىڭ گەوگرافيالىق جاقىندىعى ءوزارا ءتيىمدى ەكونوميكالىق جانە ساۋدا قاتىناستارىنىڭ دامۋىنا ىقپال ەتەدى. بىزدە تابيعي-كليماتتىق جاعدايلار مەن ەكونوميكالىق مۇددەلەر ۇقساس. بۇل اگرارلىق سەكتوردا ىنتىماقتاستىق ءۇشىن ءتيىمدى مۇمكىندىك تۋعىزادى. قازاقستان مەن رەسەي ۇلكەن تابيعي رەسۋرستارعا يە بولا وتىرىپ, جاھاندىق ازىق-ت ۇلىك قاۋىپسىزدىگىن قامتاماسىز ەتۋدەگى نەگىزگى ويىنشىلار سانالادى. وسىعان بايلانىستى اگرارلىق سەكتور سالاسىنداعى ىنتىماقتاستىق تابيعي ەرەكشەلىگىمىزدى ەسكەرە وتىرىپ, ازىق-ت ۇلىك ءوندىرىسىن ۇلعايتۋعا عانا ەمەس, سونىمەن قاتار اگرارلىق سالاداعى تەحنولوگيالىق ۇدەرىستى جەدەلدەتۋگە, اۋىل شارۋاشىلىعىن جاڭا ساپالى دەڭگەيگە شىعارۋعا مۇمكىندىك بەرەدى. رەسەي عىلىم اكادەمياسى – عىلىمي جانە تەحنولوگيالىق سالالاردا ىنتىماقتاساتىن جاقىن جانە سەنىمدى سەرىكتەس. ءبىزدىڭ ىنتىماقتاستىعىمىز ءوزارا سەنىم مەن ورتاق ماقساتتارعا ۇمتىلۋعا نەگىزدەلگەن, بۇل دامۋ مەن نىعايتۋعا ىقپال ەتەدى», دەدى ۇعا پرەزيدەنتى اقىلبەك كۇرىشباەۆ.
اگروونەركاسىپ كەشەنى ورتالىعىندا اۋىل شارۋاشىلىعى داقىلدارىنىڭ گەنومدىق سەلەكتسياسى سالاسىنداعى بىرلەسكەن عىلىمي زەرتتەۋلەرى مەن جوبالاردى دامىتىپ, ونىمدىلىگى جوعارى جانە كليماتتىڭ وزگەرۋىنە جانە اۋرۋلارعا ءتوزىمدى جاڭا سورتتار جاساۋمەن قاتار سورت سىناقتارىن جۇرگىزەدى. سونداي-اق مۇندا گەنەتيكالىق موديفيكاتسيانىڭ وزىق ادىستەرىن ازىرلەپ, تۇراقتى جانە ەكولوگيالىق تازا ونىمدەر جاساۋ ءۇشىن بيوتەحنولوگيالاردى پايدالانۋعا قاتىستى زەرتتەۋ جۇمىستارى ىسكە اسادى. سونىمەن قاتار عالىمدار اۋىل شارۋاشىلىعىنىڭ تيىمدىلىگىن ارتتىرۋ ءۇشىن يننوۆاتسيالىق تەحنولوگيالاردى ەنگىزۋ ماقساتىندا اگروونەركاسىپتىك كەشەندە تسيفرلىق تەحنولوگيالاردى دامىتىپ, ونىڭ ىشىندە مونيتورينگ جۇيەلەرى, اۆتوماتتاندىرۋ جانە وڭتايلى شەشىمدەر قابىلداۋ ءۇشىن ۇلكەن دەرەكتەردى تالداۋعا قاتىستى جوبالاردى دا جۇزەگە اسىرادى.
الماتى
