اتاۋلى جىلداعى اۋقىمدى شارالار

جالپى, ستاتيستيكالىق مالى­مەت­تەر وڭىردەگى ەڭبەك نارىعىندا 334,8 مىڭ ادام جۇمىسپەن قام­تىل­عانىن كورسەتىپ وتىر. وسى­نىڭ 52,2%-ى – جۇمىسشى مامان­دىقتارى. ولار نەگىزىنەن ەكونومي­كانىڭ كولىك, اۋىل شارۋاشىلىعى, دەنساۋلىق ساقتاۋ جانە الەۋمەتتىك قىزمەت كورسەتۋ, ساۋدا, قۇرىلىس پەن  ونەركاسىپ سالالارىندا باسىمداۋ بولىپ تۇر. اتاۋلى جىل اياسىندا جۇمىسشى ماماندىقتار بويىنشا ءبىلىم الاتىن جاستار قاتارىن كوبەيتۋ ماقساتىندا مەملەكەتتىك تاپسىرىستىڭ كولەمى 700 ورىنعا ارتىپ وتىر.

ورتا بۋىن ماماندار ازىرلەي­تىن كوللەدجدەرگە دە تالاپ كۇ­شەيە تۇسەدى. وبلىستىق ءبىلىم باس­قارماسى باسشىسىنىڭ ورىنباسارى بەكجان ەسەنباەۆتىڭ ايتۋىنشا, ءبىلىم ساپاسىنا بايلانىستى وقۋ ورىندارىنىڭ ارنايى رەيتينگى قالىپتاستىرىلادى. بۇل وقۋ ورىندارىنىڭ باسەكەگە قابى­لەتتى كادرلار دايارلاۋداعى الەۋە­تىن ايقىندايتىن باستى شارت بولماق. بيىل حالىقارالىق تالاپتارعا سايكەس شەتەلدىك وقۋ ورىندارىمەن ارىپتەستىك بايلانىسقا جول اشىلادى. قازىر مانشۇك مامەتوۆا اتىنداعى قىزىلوردا پەداگوگيكالىق جو­عارى كوللەدجى گەرمانيا مەم­لەكەتىنىڭ لەيپتسيگ ۋنيۆەرسي­تەتىمەن پەداگوگيكا, پسيحولوگيا ماماندىعى بويىنشا, سونداي-اق يساتاي ابدىكارىموۆ اتىنداعى قىزىلوردا اگرارلىق-تەحنيكالىق جوعارى كوللەدجى  اقش-تىڭ ءبىلىم ۇيىمدارىمەن ىنتى­ماقتاستىق ورناتتى.

وڭىردەگى 28 كوللەدجدىڭ 19-ىن­دا  جۇمىسشى كادرلار دايارلانادى. بيىل كاسىپتىك-تەحنيكالىق ءبىلىم بەرەتىن ۇيىمدار ازىرلەيتىن ماماندىقتارعا پروفيليزاتسيا­لاۋ جۇرگىزىلىپ, بىرنەشە وقۋ ورىندارىندا قاتار دايارلاناتىن ما­ماندىقتار مەن بىلىكتىلىكتەر بو­يىنشا مەملەكەتتىك ليتسەنزيالار كەرى قايتارىلادى.

«2024–2025 وقۋ جىلىندا رەس­پۋبليكالىق جانە جەرگىلىكتى بيۋد­جەتتەر ەسەبىنەن 4 608 ورىنعا مەملەكەتتىك تاپسىرىس بويىنشا تالاپكەرلەر وقۋعا قابىلداندى. ونىڭ ىشىندە كاسىپورىنداردىڭ سۇرانىسى بويىنشا 356 ورىن ماقساتتى مەملەكەتتىك تاپسىرىس نەگىزىندە 3 جاقتى كەلىسىمشارتپەن جۇزەگە اسىرىلىپ وتىر. بيىل 400 ستۋدەنت ماقساتتى مەملەكەتتىك تاپسىرىس بويىنشا وقۋعا قابىل­دانادى», دەيدى باسقارما باسشى­سىنىڭ ورىنباسارى.

مەملەكەت باسشىسىنىڭ تاپ­سىر­ماسىنا سايكەس بيىل 9-سى­نىپتى بىتىرۋشىلەر اراسىنان جۇمىسشى, ورتا بۋىن مامان­دىقتارىن يگەرۋگە نيەتتى جاس­­تار­دى تولىق تەگىن كاسىپ­تىك بىلىم­مەن قامتۋ جوسپارىنا سايكەس 5 308 ورىندىق مەملەكەتتىك تاپسى­رىس ءبولىنىپ وتىر. بۇل رەتتە ايماقتاعى ەڭبەك نارىعىنا قا­جەتت­ى, سۇرانىسقا يە ماماندىق­تار­دىڭ ۇزاقمەرزىمدى بولجامىن ەسەپكە العان جاڭا كاسىپتەر اتلاسى ازىرلەنۋى كەرەك. قورقىت اتا اتىنداعى قىزىلوردا ۋنيۆەر­سيتەتى وسى ماقساتتا 20 قىزمەت­كەردى ارنايى وقۋدان وتكىزگەن. جىل سوڭىنا دەيىن دايارلاناتىن ماماندىقتار اتلاسىندا يح­تيولوگ, ومارتاشى, اڭشىلىق جانە اڭ ءوسىرۋ شارۋاشىلىعى, قۇس شارۋاشىلىعى, جىلىجاي شارۋا­شىلىعىن ۇيىم­داستىرۋشى, توقىما ءوندىرىسى, وسىمدىك شارۋا­شى­لىعى ونىمدەرىن ءوندىرۋ جانە قايتا وڭدەۋ تەحنولوگياسى, ساياباق شارۋاشىلىعى, نان ءپىسىرۋ, ماكارون جانە كونديتەر ءوندىرىسى, ەت جانە ەت ونىمدەرىن ءوندىرۋ, قالدىقتاردى قايتا وڭدەۋ, قات­تى تۇرمىستىق قالدىقتاردى سۇرىپ­تاۋشى وپەراتور, IT-روبوت­­­تەحنيكا, IT-مەحاترونيكا مامان­دىقتارى قامتىلماق.

وبلىستىق جۇمىسپەن قامتۋدى ۇيلەستىرۋ جانە الەۋ­مەتتىك باع­دارلامالار باسقار­ماسى دا اتاۋلى جىلعا بايلانىس­تى اۋقىمدى شارالار جوسپار­لاپ وتىر. سونىڭ ءبىرى – بيىل ەڭبەك نارىعى ءزارۋ بولىپ وتىرعان ماماندىقتار بويىنشا 525 جۇمىسسىز قىسقامەرزىمدى كۋرستاردان وتەدى. «سكيللس ەڭبەك» ەلەكتروندى ءبىلىم پورتالى ارقىلى تەگىن بىلىكتىلىگىن ارتتىرۋ ساباعىنان بىلتىر وبلىستا 3 مىڭ جۇمىسسىز وتسە, بيىل 20 مىڭنان اسا ادامدى قامتۋ مەجەلەنگەن.

«جىل ىشىندە «جۇمىس كۇشىنىڭ ۇتقىرلىعىن ارتتىرۋ ءۇشىن ادام­دار­دىڭ ەرىكتى تۇردە قونىس اۋدارۋىن ۇيىمداستىرۋ» جوباسى ايا­سىندا وڭىردە پاۆلودار, قوس­تا­ناي, سولتۇستىك قازاقستان, شى­عىس قازاقستان, ۇلىتاۋ, اباي وبلىس­تارىنداعى بوس جۇمىس ورىندا­رى جارمەڭكەسىن وتكىزۋ دە جال­عا­سىن تابادى. جىل سايىن ۇيىم­­داس­تىرىلىپ كەلە جاتقان وسىن­­داي جارمەڭكەلەردە تالاي جەر­­لەس­ىمىز جۇمىس كۇشى جەتىس­پەي­­تىن ايماقتاردان وزىنە قولاي­لى كاسىپ تاۋىپ, قونىس اۋدارىپ جا­تىر. سونىمەن قاتار بيىل «ەڭ­بەك جولى» كونكۋرسى اياسىندا قىزمە­تىندە ۇزدىك دەپ تانىلعان, ايماق دا­مۋى­نا ەڭبەگى سىڭگەن جاندار دارىپ­تەلەدى. بۇل كونكۋرسقا قاتىسۋعا وتى­نىم­دەر «ەڭ ۇزدىك ەڭبەك اۋلەتى», ء«وندىرىستىڭ ەڭ جاس جۇمىسكەرى», «جۇمىس ىزدەۋشى جاستاردىڭ ەڭ ۇزدىك تالىمگەرى», «وندىرىستەگى ەڭ ۇزدىك قاراپايىم جۇمىسشىلار» اتالىمدارى بويىنشا قابىل­دانادى», دەيدى وبلىستىق جۇ­مىس­­پەن قامتۋدى ۇيلەستىرۋ جانە الەۋ­مەتتىك باعدارلامالار باسقار­ماسى باسشىسىنىڭ ورىنباسارى ج.داۋلەتباەۆا.

قىزىلوردا