ونىڭ ايتۋىنشا, جوبا قاڭتار ايىندا باستالعان.
«قتج-نىڭ مالىمەتى بويىنشا, ءبىزدىڭ ەلدە «تالگو» پويىزدارى جۇمىس ىستەيتىن 16-عا جۋىق باعىت بار. تەحنيكالىق تۇرعىدا بۇگىندە پويىزداردىڭ ىشىندە ينتەرنەتتى تەك وسى پويىزدار تاراتۋعا قاۋقارلى. تيىسىنشە, بۇل جۇيەنى كەڭەستىك كەزەڭنەن قالعان ەسكى جۇيەگە ەنگىزۋ مۇمكىن ەمەس.سوندىقتان ءبىز قازىر قتج-مەن وسى ماسەلەنى پىسىقتاپ, بارلىق 16 باعىتتا ينتەرنەتتى تولىققاندى قامتاماسىز ەتۋ جوسپارلارىن بەلگىلەپ جاتىرمىز. بۇل بيلەتتەر قۇنىنا اسەر ەتپەۋى ءۇشىن ولارمەن كەلىسسوزدەر جۇرگىزەمىز», دەدى دامير سەيسەمبەكوۆ.
سونىمەن قاتار ول قازىرگى تاڭدا پويىزداردىڭ بىرىندە ينتەرنەت بار ەكەنىن ايتتى.
«استانا مەن الماتى اراسىندا كوپتەگەن پويىزدار جۇرەدى, بىراق ولاردىڭ بىرەۋىندە عانا ينتەرنەت بار. قازىر بەلسەندى تەستىلەۋ كەزەڭى ءجۇرىپ جاتىر, جالپى كەرى بايلانىس جاقسى. ۋاقىت تۋرالى جاڭىلىستىرعىم كەلمەيدى, بىراق ءبىرىنشى جارتىجىلدىقتىڭ سوڭىندا تەحنيكالىق پيلوتتىق جۇمىستىڭ قورىتىندىسى شىعارىلادى دەپ ويلايمىن. جوعارىدا ايتقانىمداي, ينتەرنەت ورناتۋ جوسپارلى تۇردە, ەڭ الدىمەن جولاۋشىلار اعىنى كوپ باعىتتاردا جۇرگىزىلەدى. سونداي-اق مءوبيلدى قامتۋ مۇلدەم جوق باعىتتار بويىنشا جۇرەتىن پويىزدار بار, ولاردى ءبىرىنشى كەزەكتە قامتاماسىز ەتەمىز», دەدى ول.
ونىڭ ايتۋىنشا, جۇمىس بيىل دا جالعاسادى, بىراق بۇل پروتسەستىڭ قاشان تولىق اياقتالاتىنىن ايتۋ قيىن.
