باياناۋىلاۋدانى ورتالىعىندا بەس بولمەلى كىرپىش ۇيگە جاپسارلاس سالىنعان جازعى اس ءۇي ورتەندى. اعاش عيمارات پەن نەگىزگى عيماراتتىڭ توبەسى وتقا ورانىپ, ءورتتىڭ جالپى اۋدانى 60 شارشى مەتردى قۇراعان.
- وقيعا ورنىنا قۇتقارۋ بولىمشەلەرى جەدەل جەتتى. مامانداردىڭ ۇيلەسىمدى جانە كاسىبي ارەكەتتەرىنىڭ ارقاسىندا ءۇيدىڭ تەرەزەسى ارقىلى ءۇش ادام قۇتقارىلدى. ولار -1954 جىلى تۋعان مۇگەدەك ايەل, 2017 جانە 2020 جىلى تۋعان ەكى بالا. سونداي-اق, ءورتتىڭ سالدارىنان 2009 جىلى تۋعان بالا اۋرۋحاناعا جەتكىزىلدى,-دەپ حابارلادى وڭىرلىك توتەنشە جاعدايلار دەپارتامەنتىنەن.
ءورتتى جويۋعا پاۆلودار وبلىسى توتەنشە جاعدايلار دەپارتامەنتىنىڭ ءورت سوندىرۋشىلەرى مەن باياناۋىل ۇلتتىق پاركىنىڭ قىزمەتكەرلەرى قاتىسقان.
سونداي-اق وقيعا ورنىندا پوليتسيا, جەدەل مەديتسينالىق كومەك جانە برەس ەنەرگەتيكتەرى دە جۇمىس ىستەگەن.
