فوتو: توتەنشە جاعدايلار مينيسترلىگىنىڭ ءباسپاسوز قىزمەتى
سولتۇستىك قازاقستان وبلىسىندا قىزىلجار اۋدانىنىڭ بەسكول جانە جاعالاۋ ەكى ەلدى مەكەنىندە تجم 52859 جانە 28237 اسكەري بولىمدەرىنىڭ كۇشىمەن پوليپروپيلەن شاتىرلارىن توسەۋ, سونداي-اق قاپشىقتاردى دايىنداۋ جانە توسەۋ جۇمىستارى جۇرگىزىلدى.
اتىراۋ وبلىسىعى قۇلسارى قالاسىندا تجم 20982 اسكەري ءبولىمىنىڭ كۇشتەرىمەن 700 م ۇزىندىقتا بوگەندى نىعايتۋ بويىنشا جۇمىستار جۇرگىزىلدى, ينەرتتى ماتەريالدار مەن شيفەر توسەلدى. «اتىراۋ-قۇلسارى-ميالى-اتىراۋ» باعىتى بويىنشا كەم وزەنىندە اۋە-بارلاۋ جۇمىستارى جۇرگىزىلدى. جىلىوي جانە قىزىلقوعا اۋداندارىندا جەم, ويىل, نوعايتى وزەندەرىنىڭ بويىندا قاپ توسەۋ, بوگەندەردى ينەرتتى ماتەريالدارمەن نىعايتۋ جۇمىستارى جۇرگىزىلىپ جاتىر.
شىعىس قازاقستان وبلىسىنىڭ التاي اۋدانى زۋبوۆسك كەنتىندە تجم 68303 اسكەري ءبولىمىنىڭ كۇشىمەن قاردان تازارتۋ جۇمىستارى جۇرگىزىلىپ, 15 سۋ وتكىزۋ قۇرىلىسى, 1 كوپىر, 52 مەتر ارىق جۇيەسى تازارتىلدى.
اقمولا وبلىسىنداعى ەسىل وزەنىندە دەرجاۆينسك قالاسىنىڭ اۆتوموبيل كوپىرىنىڭ جانىندا مۇز كەپتەلىستەرىن جويۋ ماقساتىندا جارىلىس جۇمىستارى جۇرگىزىلدى. تسەلينوگراد اۋدانىنىڭ قوياندى اۋىلىن قورعاۋ ءۇشىن جامبىل قۇتقارۋشىلارى جۇمىلدىرىلىپ, 25 مىڭ تەكشە مەتر سۋ سورىلىپ, 150 قاپ دايىنداپ, توسەلدى. ۇزىندىعى 50 مەتر بولاتىن جەر ءۇيىندىسى ينەرتتى ماتەريالدارمەن بەكىتىلدى.
باتىس قازاقستان وبلىسىندا كوكتەمگى سۋ تاسقىنىنىڭ الدىن الۋ اياسىندا قار شىعارۋ, سۋ ايداۋ, كانالداردى, جىرالاردى تازارتۋ-بۇرعىلاۋ, مۇز كەسۋ, جارىلىس, قاپتاردى تولتىرۋ-توسەۋ جۇمىستارى جۇرگىزىلدى.
اقتوبە وبلىسىنىڭ ىرعىز اۋدانىنا تجم 20982 جانە 28237 اسكەري بولىمدەرىنىڭ قوسىمشا كۇشتەرى مەن ارنايى تەحنيكاسى جىبەرىلدى. اسكەري قىزمەتشىلەر وزەن ارنالارى مەن سۋ وتكىزۋ قۇرىلىستارىن بەكىتۋ بويىنشا جۇمىستار جۇرگىزىپ جاتىر. تەمىر اۋدانىنىڭ شۇبارقۇدىق اۋىلىنىڭ دەپوسىنان تىس اۋداندا ەرىگەن قار سۋىن ءتيىمدى بۇرۋ ءۇشىن كانالدىڭ قۇرىلىسى تولىعىمەن اياقتالدى.
اباي وبلىسى تجد قىزمەتكەرلەرى ءۇرجار اۋدانىنىڭ ءۇرجار اۋىلىندا جانە باسقا دا ەلدى مەكەندەرىندەگى تۇرعىن ۇيلەردىڭ سۋ باسۋىنىڭ الدىن الۋ شارالارى اياسىندا سۋ بۇرۋ جۇيەلەرىن نىعايتۋ-تازارتۋ بويىنشا اۋقىمدى جۇمىستار جۇرگىزىلدى.
قوستاناي وبلىسىندا قۇتقارۋشىلار قاراسۋ اۋدانىنىڭ قارامىرزا اۋىلىندا ولار اۋلا اۋماقتارىن قاردان تازارتىپ, سۋ بۇرۋ قۇبىرىن توسەپ, جەرگىلىكتى تۇرعىندارعا كومەك كورسەتتى. تجد قىزمەتكەرلەرى مەن تجم 52859 اسكەري ءبولىمى ەكىنشى قۇتقارۋ باتالونىنىڭ اسكەري قىزمەتشىلەرى امانگەلدى اۋىلىنداعى موتوپومپالار مەن ءورت-سورعى ستانتسياسىن پايدالانا وتىرىپ, ەرىگەن سۋدى سورۋ جۇمىستارىن جۇرگىزىپ جاتىر.
تجم مالىمەتىنشە سۋ تاسقىنىنا قارسى جۇمىستارعا 2 مىڭ مامان, سونداي-اق سۋ تاسقىنى قاۋپى جاعدايىندا قاۋىپسىزدىكتى قامتاماسىز ەتۋ جونىندەگى جۇمىستاردى ورىنداۋ ءۇشىن پايدالانىلاتىن 483 بىرلىك تەحنيكا, 168 موتوپومپا, 19 ءجۇزۋ قۇرالى قاتىسادى. جۇمىستارعا تجم, ءىىم, ۇۇ, قورعانىسمينى جانە باسقا دا ۆەدومستۆولاردىڭ قىزمەتكەرلەرى جۇمىلدىرىلعان.
بيىل 1 ناۋرىزدان باستاپ تجم, جەرگىلىكتى اتقارۋشى ورگاندار, ۇيىمدار كۇشتەرىمەن 2,2 ميلليون تەكشە مەتردەن استام سۋ سورىلىپ, 486 مىڭنان استام قاپشىق جانە 42 مىڭ توننا ينەرتتى ماتەريال توسەلىپ, 822 مىڭنان استام مەتر سۋ بۇرۋ ارىقتارى تازارتىلعان.
