سۋرەت: gov.kz
مەملەكەت باسشىسى «اباي جانە ءححى عاسىرداعى قازاقستان» اتتى ىرگەلى ماقالاسىندا: «ابايدىڭ جيدەباي-ءبورىلى» مەملەكەتتىك قورىق-مۋزەيىنە ەرەكشە كوڭىل ءبولىپ, عىلىمي-تانىمدىق جۇمىستارمەن اينالىساتىن ورتالىققا اينالدىرۋ كەرەك», دەپ اتاپ ايتقان ەدى. ابايدىڭ 175 جىلدىق مەرەيتويى اياسىندا سەمەيدەگى «ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مادەني قورىق-مۋزەيى» حالىقارالىق تالاپقا ساي جاڭعىرىپ, پرەزيدەنت ءوزى كەلىپ اشقان بولاتىن.
سول تانىسۋ بارىسىندا حاكىم ابايدىڭ مۋزەيىن حالىقارالىق دەڭگەيدە, ونىڭ ىشىندە تۇركى دۇنيەسى اياسىندا ناسيحاتتاۋ تۋرالى ەرەكشە سۇحبات بولعان ەدى. سونىڭ ناتيجەسىندە مەملەكەت باسشىسىنىڭ وزبەكستان رەسپۋبليكاسىنا ساپارىمەن ورايلاستىرىپ, اباي مۋزەيىنىڭ كورمەسىن تاشكەنت قالاسىنا اپاردىق. تۋىسقان ەلدىڭ ابايعا, ونىڭ شىعارماشىلىعىنا قۇرمەتى ەرەكشە بولدى. اباي جىلى وزبەكستان رەسپۋبليكاسىنىڭ بارلىق وڭىرىندە قۇرمەتپەن اتالىپ ءوتتى.
سوندىقتان, اباي ينستيتۋتىنىڭ ءورىسىن كەڭەيتىپ, حاكىمنىڭ دانالىق مۇراسىن حالىقارالىق دەڭگەيدە ناسيحاتتاۋ يدەياسى ەلدىگىمىزدىڭ جاڭا ساپاسىن ايقىندايدى دەپ بىلەمىن. حاكىم اباي ارقىلى قازاقتىڭ ويشىلدىعى مەن مادەنيەتى شارتاراپقا جول تارتسا, نۇر ۇستىنە نۇر بولماق.
تۇردىقۇل شاڭباي,
قازاقستاننىڭ ەڭبەك سىڭىرگەن قايراتكەرى, ادەبيەتتانۋشى-فيلوسوف
