جالپى قۇنى 131,9 ميلليون تەڭگەنى قۇرايتىن جۇمىسقا جەرگىلىكتى بيۋدجەتتەن 30,3 ميلليون تەڭگە, ارنايى مەملەكەتتىك قوردان 97,8 ميلليون تەڭگە ءبولىنىپ, قۇرىلىس جۇمىستارىمەن «كاە ەليت ستروي سەرۆيس» جشس-ءى اينالىستى. ەكى جىلدا سالىنىپ, زاماناۋي تالاپتارعا ساي جابدىقتالعان ەمدەۋ مەكەمەسىنەن اۋىل تۇرعىندارى ەندىگى جەردە العاشقى مەديتسينالىق كومەكتى تولىق كولەمدە الا الادى.
توعىز اۋىلىنىڭ تۇرعىنى, مەديتسينا سالاسىنىڭ ارداگەرى قالامقاس جۇماشەۆا اۋىلداستارىنىڭ ەمدەۋ مەكەمەسىنىڭ سالىنعانىنا ريزا بولعانىن جاسىرمادى. ويتكەنى, تەمىرجول بويىنداعى وسى اۋىلدا 40 جىلدان استام ەمدەۋ مەكەمەسى بولماعاندىقتان, تۇرعىندار شالقار اۋدانىنىڭ ورتالىعىنا قاتىناپ كەلگەن ەدى. بۇل اقتوبە وبلىسىندا قايتارىلعان قارجى ەسەبىنەن ەلدى مەكەندەردە سالىنۋعا ءتيىس مەديتسينالىق ون ءبىر نىساننىڭ ءبىرى. بايعانين اۋدانىنىڭ نوعايتى, العا اۋدانىنىڭ مارجانبۇلاق, مۇعالجار اۋدانىنىڭ مۇعالجار, قايىڭدى, جارىق, ىرعاز اۋدانىنىڭ نۇرا, جارما, قوبدا اۋدانىنىڭ بەگالى, شالقار اۋدانىنىڭ شوقىسۋ, سارىساي اۋىلدارىندا امبۋلاتوريالار مەن مەديتسينالىق پۋنكتتەر سالىنۋعا ءتيىس بولسا, ون نىسان بىلتىر پايدالانۋعا بەرىلدى.
ايدا بالاەۆا: مەملەكەت كەپىلدىك بەرگەن مەديتسينالىق كومەكتىڭ كولەمى ساقتالادى
اقتوبە وبلىسى
