جوبا اياسىندا قۇقىق قورعاۋ ورگاندارى مەن «سەرگەك» كومپانياسىنىڭ ماماندارى بىرلەسىپ جۇمىس جۇرگىزىپ جاتىر. قازىرگى تاڭدا قۇقىقبۇزۋشىلاردى جاۋاپكەرشىلىككە تارتۋعا مۇمكىندىك بەرەتىن مەملەكەتتىك تىركەۋ نومىرلەرىن اۆتوماتتى تۇردە تانۋ جۇيەسى ازىرلەنىپ جاتىر. اتالعان جۇيە ايىپپۇل سالۋعا ارنالعان ماتەريالداردى اۆتوماتتى تۇردە ەسەپتەيدى.
ۆەدومستۆو مالىمەتىنشە, تسيفرلىق تەحنولوگيالار مەن سايكەستەندىرۋ جۇيەسىن ەنگىزۋ قۇقىقبۇزۋشىلىقتاردى ءتيىمدى انىقتاۋعا, جول-كولىك وقيعالارىنىڭ سانىن ازايتۋعا جانە پايدالانۋشىلاردىڭ ءتارتىبىن ارتتىرۋعا مۇمكىندىك بەرەدى.
تاۋلىگىنە 690 دوللار تابىس: ەلەكتروساموكات ارقىلى جاسالعان الاياقتىق اشكەرە بولدى
بۇگىندە ەلوردادا 10 مىڭنان استام ەلەكترلى ساموكات بار, ونىڭ شامامەن 8 مىڭى بەلسەندى قولدانىستا. سوعان سايكەس, بۇل كولىك تۇرىنە قاتىستى قۇقىقبۇزۋشىلىقتار مەن جول اپاتتارىنىڭ سانى دا ارتىپ كەلەدى. جىل باسىنان بەرى 45 جول-كولىك وقيعاسى تىركەلىپ, 50 ادام ءتۇرلى جاراقات العان.
1 شىلدەدەن باستاپ زاڭناماعا ەنگىزىلگەن وزگەرىستەر كۇشىنە ەنەدى. وعان سايكەس, ەلەكترلى ساموكاتتار جول قوزعالىسىنا قاتىسۋشى رەتىندە رەسمي تۇردە تانىلادى. اتاپ ايتقاندا:
– جۇرگىزۋشىلەر قاراڭعى ۋاقىتتا شلەم كيىپ, جارىق شاعىلىستىرعىش ەلەمەنتتەردى پايدالانۋعا مىندەتتەلەدى;
– جولاۋشى تاسىمالداۋ, پايدالانۋ قاعيدالارىن بۇزۋ جانە كامەلەتكە تولماعانداردىڭ ساموكات باسقارۋى ءۇشىن اكىمشىلىك جاۋاپكەرشىلىك ەنگىزىلەدى;
– ۆەلوجولدارمەن, ۆەلوجولاقتارمەن جانە جولدىڭ وڭ جاق شەتىمەن جۇرۋگە رۇقسات بەرىلەدى;
– 18 جاسقا تولماعان تۇلعالارعا جۇرگىزۋشى كۋالىگىنسىز جولدىڭ ءجۇرىس بولىگىنە شىعۋعا تىيىم سالىنادى.
