باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى جانىنداعى قىلمىستىق قاۋىپ-قاتەرلەر مەن قوعامدىق قاۋىپسىزدىك تاۋەكەلدەرىن بولجاۋ ورتالىعى ينتەرنەت-الاياقتىقتىڭ جاڭا ءتاسىلى پايدا بولعانىن حابارلادى.
مامانداردىڭ مالىمەتىنشە, الاياقتار Apple جانە PayPal سەرۆيستەرىنىڭ اتىن پايدالانىپ, iPhone ساتىپ الىنعانى تۋرالى جالعان ەلەكتروندى حاتتار جىبەرىپ جاتىر.
حابارلامالار شىنايى كورىنۋى ءۇشىن قاسكويلەر appleid@id.apple.com مەكەنجايىن قولدانادى. حات ماتىنىندە پايدالانۋشىعا ونىڭ اتىنان iPhone ساتىپ الىنعانى ايتىلىپ, تولەمدى توقتاتۋ ءۇشىن «قولداۋ قىزمەتىنە» حابارلاسۋ ۇسىنىلادى.
قوراپقا قولىڭىزدى تيگىزبەڭىز: استانادا الاياقتاردىڭ جاڭا ءادىسى جۇرتتى دۇرلىكتىردى
كورسەتىلگەن نومىرگە قوڭىراۋ شالعان جاعدايدا الاياقتار Apple ID اككاۋنتى بۇزىلعانىن ايتىپ, ونى «قورعاۋ» سىلتاۋىمەن ءتۇرلى ارەكەتتەر جاساۋعا كوندىرەدى. اتاپ ايتقاندا:
– قۇرىلعىعا قاشىقتان قول جەتكىزۋگە ارنالعان باعدارلامالاردى ورناتۋدى سۇرايدى;
– پارولدەر مەن وزگە دە قۇپيا مالىمەتتەردى تالاپ ەتەدى;
– پسيحولوگيالىق قىسىم جاساپ, اسىعىس شەشىم قابىلداۋعا يتەرمەلەيدى.
ماماندار ازاماتتارعا تسيفرلىق قاۋىپسىزدىك ەرەجەلەرىن ساقتاۋعا كەڭەس بەرەدى. اتاپ ايتقاندا, كۇماندى سىلتەمەلەرگە وتپەۋ, حاتتاعى تەلەفون نومىرلەرىنە حابارلاسپاۋ, اقپاراتتى تەك رەسمي سەرۆيستەر ارقىلى تەكسەرۋ جانە بوگدە قوسىمشالاردى ورناتپاۋ قاجەت.
سەكۋند ىشىندە بۇعاتتايدى: قازاقستاندا الاياقتاردىڭ قوڭىراۋىن توقتاتاتىن جۇيە ەنگىزىلەدى
سونىمەن قاتار ەكى فاكتورلى اۋتەنتيفيكاتسيانى پايدالانۋ ۇسىنىلادى.
ەگەر وسىنداي كۇماندى حابارلاما كەلسە, بىردەن رەسمي قولداۋ قىزمەتىنە جۇگىنىپ, قۇقىق قورعاۋ ورگاندارىنا حابار بەرۋ قاجەت ەكەنى ەسكەرتىلدى.
ۇلتتىق بانك اتىن جامىلعان الاياقتار اقتوبەلىك تۇرعىننىڭ 5 ملن تەڭگەسىن جىمقىرعان
