بىراق بۇل مۇلدە كومەكسىز قالاسىز دەگەن ءسوز ەمەس. مەملەكەت بارلىق ازاماتتارعا تەگىن مەديتسينالىق كومەكتىڭ بەلگىلى ءبىر كولەمىن كەپىلدەندىرەدى.
كىمدەر تەگىن مەديتسينالىق كومەك الا الادى؟
تەگىن قىزمەتتەر كەلەسى ادامدارعا قولجەتىمدى:
• قازاقستان ازاماتتارى;
• قانداستار;
• بوسقىندار;
• قازاقستاندا تۇراقتى تۇراتىن شەتەلدىكتەر مەن ازاماتتىعى جوق تۇلعالار.
قانداي مەديتسينالىق قىزمەتتەر تەگىن؟
1. جەدەل جاردەم – ساقتاندىرۋ مارتەبەسىنە قاراماستان, كەز كەلگەن ادامعا كورسەتىلەدى. اۋىر جاراقات, ينسۋلت, ينفاركت, ۋلانۋ سياقتى ومىرگە قاۋىپتى جاعدايلاردا جەدەل جاردەم شاقىرۋعا بولادى.
2. ەمحانالارداعى العاشقى كومەك – ۋچاسكەلىك دارىگەرگە قارالۋ, جوسپارلى تەكسەرۋلەر, ەكپەلەر, جۇقپالى جانە كەيبىر سوزىلمالى اۋرۋلاردى ەمدەۋ.
3. ماڭىزدى اۋرۋلاردى ەمدەۋ – تۋبەركۋلەز, ۆيچ, ونكولوگيا, پسيحيكالىق اۋىتقۋلار, قانت ديابەتى جانە باسقا دا الەۋمەتتىك ماڭىزى بار اۋرۋلاردى تەگىن ەمدەۋ.
4. كۇندىزگى ستاتسيونار – اۋرۋحاناعا جاتپاي-اق, دارىگەر باقىلاۋىندا ەم الۋ.
5. كۇتپەگەن جاعدايلاردا اۋرۋحاناعا جاتقىزۋ – اۋىر جاراقات, جۇقپالى اۋرۋلار نەمەسە شۇعىل وپەراتسيا قاجەت بولعان كەزدە.
6. پاللياتيۆتىك كومەك – جازىلمايتىن اۋرۋلارى بار ناۋقاستارعا اۋىرسىنۋدى باساتىن جانە قولداۋ كورسەتەتىن ەم.
7. تەگىن ءدارى-دارمەكتەر – بەلگىلى ءبىر اۋرۋلارى بار ادامدارعا (مىسالى, قانت ديابەتى, ونكولوگيا, استما) تەگىن دارىلەر بەرىلەدى.
تەگىن مەديتسينالىق كومەكتى قالاي الۋعا بولادى؟
• ءوزىڭىز تىركەلگەن ەمحاناعا بارىڭىز – ساقتاندىرۋ مارتەبەسىنە قاراماستان, تەگىن كومەك كورسەتىلۋى كەرەك.
• شۇعىل جاعدايدا 103-كە قوڭىراۋ شالىڭىز – جەدەل جاردەم شاقىرۋدان ەشكىم باس تارتا المايدى.
• ساقتاندىرۋ مارتەبەڭىزدى تەكسەرىڭىز – ونى ارنايى پورتال ارقىلى نەمەسە جۇمىس بەرۋشىدەن سۇراپ بىلۋگە بولادى.
• 1432 نومىرىنە حابارلاسىڭىز – ەگەر سىزگە نەگىزسىز تۇردە مەديتسينالىق كومەك كورسەتۋدەن باس تارتسا, مەديتسينالىق ساقتاندىرۋ قورىنىڭ call-ورتالىعىنا قوڭىراۋ شالىڭىز (تەگىن).
ەگەر مەديتسينالىق كومەكتەن زاڭسىز باس تارتسا, نە ىستەۋ كەرەك؟
• جازباشا تۇسىنىكتەمە تالاپ ەتىڭىز – سىزگە نە سەبەپتى قىزمەت كورسەتۋدەن باس تارتىلعانىن ءبىلۋ ءۇشىن.
• 1432 نومىرىنە قوڭىراۋ شالىڭىز – بۇل ماسەلە بويىنشا مەديتسينالىق ساقتاندىرۋ قورىنا حابارلاسىڭىز.
• مينيسترلىككە شاعىم جازىڭىز – دەنساۋلىق ساقتاۋ مينيسترلىگىنە ونلاين ءوتىنىش قالدىرۋعا بولادى.
• پروكۋراتۋراعا جۇگىنىڭىز – ەگەر قۇقىقتارىڭىز ورەسكەل بۇزىلسا.
ەڭ باستىسى – ءوز دەنساۋلىعىڭىزدى نازاردان تىس قالدىرماي, قاجەت بولعان جاعدايدا مەديتسينالىق مەكەمەلەرگە ۋاقىتىندا بارۋ.
