سۋرەت: naryk.kz
ماماندار جەزقازعان قالاسىنداعى قولدانىستاعى پوليگوننىڭ سانيتارلىق, ەكولوگيالىق كودەكس تالاپتارىنا سايكەس كەلمەيتىنىن ايتادى. بيىل جەزقازعان قالاسىنىڭ باس جوسپارىنا سايكەس جاڭادان پوليگون سالۋ جوسپارلانىپ وتىر. سونداي-اق قوقىس پەن قاتتى تۇرمىستىق قالدىقتى قايتا وڭدەيتىن شاعىن زاۋىت سالىنادى. زاۋىتتا جىلىنا 50 مىڭ توننا قاعاز, پلاستيك, رەزەڭكە بۇيىمدارى قايتا وڭدەلەدى.
قوقىس پوليگونى جەزقازعان مەن ساتباەۆ قالالارىنا ورتاق بولادى. ەكى قالانىڭ ورتاسىنداعى وندىرىستىك اۋماقتا ورنالاسادى. جەر ۋچاسكەسى ءبولىنىپ, ينۆەستور انىقتالدى. جاڭا پوليگوننىڭ نەگىزگى اۋماعى 17 گەكتاردى قۇرايدى.
وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسى باسشىسىنىڭ مىندەتىن اتقارۋشى ابزال احمەتبەكوۆ: «ەكى نىساندى سالۋعا شامامەن 900 ملن تەڭگە قاجەت. قارجىنىڭ 30%-ى ينۆەستوردىڭ ءوز ەسەبىنەن, قالعانىن ونەركاسىپتى دامىتۋ قورى ليزينگ تۇرىندە بەرەدى», دەپ مالىمدەدى.
ەكولوگيالىق كودەكسكە سايكەس ەسكى پوليگوندى جويۋ جۇمىستارى جۇرگىزىلەدى.
ۇلىتاۋ وبلىسى
