فوتو: اشىق دەرەككوز
وبلىستىق پروكۋراتۋرانىڭ حابارلاۋىنشا, تالداۋ شەڭبەرىندە مەملەكەتتىك قىزمەتشىلەردىڭ قۇمار ويىندارعا قاتىسۋى بويىنشا سىبايلاس جەمقورلىققا قارسى شەكتەۋلەردى ساقتاماۋ فاكتىلەرى انىقتالعان.
«ماسەلەن, اقجار اۋدانى اكىمدىگىنىڭ قۇرىلىس جانە ساۋلەت ءبولىمىنىڭ باس مامانى زاڭ تالاپتارىن بۇزا وتىرىپ, «1XBET» بۋكمەكەرلىك كەڭسەسىندە جۇيەلى نەگىزدە «ستاۆكالار» قويۋدى جۇزەگە اسىرعان. وسىنداي بۇزۋشىلىقتار ۇيالى اۋىلدىق وكرۋگى اكىمى اپپاراتىنىڭ جانە اقجار اۋدانىنىڭ ءبىلىم ءبولىمىنىڭ باس ماماندارىنا قاتىستى انىقتالدى», دەلىنگەن حابارلامادا.
پروكۋرورلىق قاداعالاۋ ناتيجەسىندە اتالعان قىزمەتكەرلەر لاۋازىمدارىنان بوساتىلعان.
ەستەرىڭىزگە سالا كەتەيىك, وتكەن جىلدىڭ شىلدە ايىندا «سىبايلاس جەمقورلىققا قارسى ءىس-قيمىل تۋرالى» قازاقستان رەسپۋبليكاسىنىڭ زاڭىنا تولىقتىرۋلار ەنگىزىلىپ, مەملەكەتتىك قىزمەتشىلەرگە قۇمار ويىندار ويناۋعا تىيىم سالىنعان ەدى. ەگەر بۇل تالاپ بۇزىلسا, قىزمەتكەر جۇمىستان تەرىس سەبەپتەرمەن بوساتىلادى.
