Dimashnews.com حابارلاعانداي, بۇل كەرەمەت شوۋدى اقش-تىڭ US Dears جانكۇيەرلەر توبى ۇيىمداستىرعان. بەينەبايان ءۇش جەردە ءتورت ەكراننان كورسەتىلدى, سونىڭ ىشىندە قوس ەكراندى ءبىر پلاتفورما ارقىلى دا كوپشىلىك نازارىنا ۇسىنىلدى.
بۇل جەر تايمس-سكۆەردىڭ ءدال ۇستىندە, مەترو ستانتسياسىنىڭ جانىندا ورنالاسقان, سوندىقتان ونى كوپ ادام كوردى, - دەپ جازادى باسىلىم.
ۇلكەن ەكراندا ەفيرگە شىقپاي تۇرىپ جانكۇيەرلەر جالعا الىنعان ارنايى زالدا بەينەباياننىڭ تۇساۋكەسەر كورسەتىلىمىن تاماشالادى.
ايتا كەتەيىك, بۇل بەينەبايانىنىڭ تۇساۋكەسەرى 7 ناۋرىزدا وتكەن.
ديماش Love is over Yet تۋىندىسىن گرەممي سىيلىعىنىڭ ەكى دۇركىن يەگەرى ۋولتەر افاناسەۆپەن بىرلەسىپ جازعان.
ۋولتەر افاناسەۆ – امەريكاkىق كومپوزيتور, پروديۋسەر. 1958 جىلى برازيليادا ورىس ەميگرانتىنىڭ وتباسىندا دۇنيەگە كەلگەن. ول شىعارماشىلىق جولدا ارەتا فرانكلين, ۋيتني حيۋستون, باربارا سترەيزاند, ليونەل ريچي, مەرايا كەري جانە تاعى باسقا ايگىلى انشىلەرمەن جۇمىس ىستەدى.
سونىمەن قاتار افاناسەۆ سەلين ديون ورىندايتىن My Heart Will Go On ءانىنىڭ پروديۋسەرلەرىنىڭ ءبىرى.
