جەمقورلىققا قارسى كۇرەستىڭ تيىمدىلىگى ماڭىزدى

بۇل رەتتە سىبايلاس جەمقورلىق­قا قارسى قىزمەتتىڭ اۋماقتىق بولىمشەسى رەتىن­دە ۇلىتاۋ وبلىسى بويىنشا دەپارتامەنت كەشەندى جۇمىستى جالعاستىرىپ جاتىر. نەگىزگى باعىتى – سىبايلاس جەم­قور­لىق تاۋەكەلدەرىنىڭ كارتاسىن ىسكە اسىرۋ, كۇر­دەلى الەۋمەتتىك ماسەلەلەردى شەشۋ جولىمەن ازاماتتاردىڭ سەنىمىن ارتتىرۋ, باسشى قۇرام اراسىنداعى سىبايلاس جەمقورلىق قۇقىق بۇزۋشىلىقتاردى انىقتاۋ.

دەپارتامەنتتىڭ پرەۆەنتسيا جەلىسى قىزمەتىنە توقتالساق, 2024 جىلى بەس سالادا سىبايلاس جەمقورلىق تاۋەكەلدەرىنىڭ سىرتقى تالداۋى جۇرگى­زىل­­گەن. اتاپ ايتقاندا, تالداۋ اۆتوجول­دار سالۋ جانە جوندەۋدەن وتكىزۋ, اۋىل شا­رۋا­شىلىعى جەرلەرىن ءبولۋ, ەڭبەك جانە الەۋ­مەتتىك قامتاماسىز ەتۋ, سون­داي-اق سپورت سالالارىن قامتىدى. ناتي­جەسىندە, بىرقاتار جەمقورلىق تاۋەكەلى انىقتالىپ, جو­يىلدى.

سۋ رەسۋرستارىن باسقارۋ, ءۇي اۋلالا­رىن اباتتاندىرۋ, بالالار ويىن الاڭىن ورناتۋ, اۆتوجول جوندەۋ جانە سالۋ, اۋىل شارۋاشىلىعى سۋبەكتىلەرىن سۋبسي­ديالاۋ, قورشاعان ورتاعا زياندى زات­تاردى تاراتۋ, قاتتى تۇرمىستىق قال­دىق­تار پوليگوندارى جانە ءبىلىم ينفرا­قۇرىلىمىن قولداۋ قورىنىڭ قارا­­جا­­­تىن جۇمساۋ سالالارىندا سىبايلاس جەم­قورلىققا قارسى مونيتورينگ جۇر­گىزىل­دى. مونيتورينگ ناتيجەلەرى بو­يىنشا جەمقورلىققا اكەپ سوعۋى ىقتيمال ماسەلەلەر انىقتالىپ, شەشىلدى.

سىبايلاس جەمقورلىققا قارسى ءىس-قيمىل اگەنتتىگىنىڭ ۇلىتاۋ وبلىسى بو­يىنشا دەپارتامەنتىنىڭ باسشىسى ەرلان جولدىباەۆ:

– مەملەكەتتىك ساتىپ الۋ سالاسىنداعى مونيتورينگ اياسىندا 1,3 ملرد تەڭگە كولە­مىندەگى بيۋدجەت قاراجاتى ۇنەمدە­لىپ, 8 لاۋازىمدى تۇلعا تارتىپتىك جاۋاپ­كەرشىلىككە تارتىلدى. وتكەن كەزەڭ­دە تى­يىم سالىنعان قىزمەتپەن اينا­لىس­­قانى, كاسىپكەرلىك قىزمەتتى جۇزەگە اسى­­رۋ­عا كەدەرگى كەلتىرگەنى, سىبايلاس جەم­­قور­لىققا قارسى شارالار قابىل­دا­ماعانى, بۇرىن جەمقورلىق جاساعان ادامدى جۇمىسقا قابىلداعانى ءۇشىن 7 لاۋا­زىمدى تۇلعا اكىمشىلىك جاۋاپ­كەر­شى­لىككە تارتىلدى. دەپارتامەنت ۇسىنى­سى نە­گىزىندە وزگە مەملەكەتتىك ورگاندار 7 جەكە جانە زاڭدى تۇلعالار 130 ملن تەڭگە كولە­مىندە ايىپپۇل تۇرىندەگى اكىمشىلىك جاۋاپ­كەر­شىلىككە, 17 لاۋازىمدى تۇلعا تار­تىپ­ت­ىك جا­ۋاپكەرشىلىككە تارتىلدى, – دەيدى.

«بيزنەسكە جول» جوباسى اياسىندا 547 كاسىپكەردىڭ قۇقىعى قورعالدى, ونىڭ 15-ءى جۇيەلى كەيس بويىنشا ىسكە اسىرىلدى. سىبايلاس جەمقورلىققا قارسى ءىس-قيمىل باعىتىندا ءوڭىردىڭ ون ءارتۇرلى دەڭگەيدەگى لاۋازىمدى تۇلعالارى اشكەرەلەنىپ, ىزدەستىرۋدەگى ءبىر تۇلعا ۇستالعان. سوتقا دەيىنگى تەرگەۋ باعىتى بويىنشا 20 ءىس سوتقا جولدانىپ, قىلمىستىق-پروتسەستىك كودەكس­تىڭ 200-بابى بويىنشا 18 ۇسىنىم ەنگىزىلدى. تەرگەۋ بارىسىندا زاڭدىلىق پەن وبەكتيۆتىلىكتى قامتاماسىز ەتۋگە اسا نازار اۋدارىلاتىنىن اتاپ وتكەن ءجون.

پرەزيدەنت قاسىم-جومارت توقاەۆ­تىڭ تاپسىرماسىنا سايكەس, سىبايلاس جەمقورلىققا قارسى قىزمەت قۇرىلى­سى ۇزاققا سوزىلعان نىسانداردى قاداعا­لاي­تىنى بەلگىلى. 2024 جىلى دەپارتامەنت باقىلاۋىندا ءتورت نىسان بولدى. ولارعا ءجيى شىعىپ, قۇرىلىس بارىسى قاداعالاندى. وتكەن جىلدىڭ سوڭىندا ءتورت نىساننىڭ ۇشەۋى قولدانىسقا بەرىلدى. بۇلار – جەزقازعان جانە ساتباەۆ قالالارىنداعى ەكى بالاباقشا, ساتباەۆ قالاسىنداعى وقۋ­شىلار سارايى. قازىرگى ۋاقىتتا دەپار­تامەنتتىڭ باقىلاۋىندا جەزدى كەنتىندەگى دەنە شىنىقتىرۋ-ساۋىقتىرۋ كەشەنى قالىپ وتىر. جىل باسىندا جاڭاارقا اۋدانى اتاسۋ كەنتىندەگى دەنە شىنىقتىرۋ-ساۋىقتىرۋ كەشەنى باقىلاۋعا الىندى.

ەلىمىزدىڭ سىبايلاس جەمقورلىق­قا قارسى ساياساتىنىڭ 2022–2026 جىلدار­عا ارنالعان تۇجىرىمداماسىنا ساي­كەس, بىلتىر مەم­لەكەت­تىك ورگاندار مەن كۆازيمەملەكەتتىك سەكتور قىزمەتكەرلەرىنە ارنالعان دارىستەر جوسپار بويىنشا جۇر­گىزىلدى. سونداي-اق جەمقورلىققا قارسى تاقى­رىپتاعى ماتەريالدار قوعام­دىق ورىنداردا, الەۋمەتتىك جەلىلەردە كەڭى­نەن تارالدى. مەملەكەتتىك قىزمەتشى­لەر ءۇشىن جەم­قور­لىققا قارسى تاقى­رىپ­تاعى تەاتر­­لان­دىرىلعان قويىلىم ۇيىمداستىرىلدى.

جاستاردىڭ ساناسىندا جەمقورلىق­قا قارسى مادەنيەت قالىپتاستىرۋعا با­عىت­تالعان جۇمىستارعا دا ەرەكشە ءمان بەرىلەدى. سونىڭ ءبىرى رەتىندە «جەمقور­لىق – ىندەت, ونىمەن كۇرەسۋ – مىندەت» تاقىرىبىنداعى ستۋ­دەنتتەر اراسىن­داعى رەسپۋبليكالىق ەسسە بايقاۋىن ايتۋعا بولادى. وعان ەلىمىزدىڭ بىرنەشە وڭىرىنەن جاستار قاتىسىپ, باق سىنادى. جەمقورلىق تۋرالى ويىن جەتكىزىپ, وعان قارسى تۇرۋداعى ۇسىنىسىن ورتاعا سالدى.

بۇعان قوسا جىل باسىنان بەرى مەم­لەكەت باسشىسى اتاپ وتكەن «زاڭ مەن ءتارتىپ» قاعيداتىن قوعامدا نىعايتۋ بو­يىنشا جۇمىس جۇرگىزىلىپ جاتىر. بۇگىنگە دەيىن 3 مىڭنان اسا ستۋدەنت پەن مەكتەپ وقۋشىسىنىڭ قاتىسۋىمەن ء«تارتىپتى وزىڭنەن باستا!» اكتسياسى وتكىزىلدى.

ۇلىتاۋ وبلىسى