سۋرەتتى تۇسىرگەن – ۆالەري بۋگاەۆ
كورشى ەلدىڭ الپاۋىت كومپانيالارىنىڭ ەرتىس بويىنا قۇمارتۋىنا نەگىز بار. وبلىستا مۇناي-حيميا زاۋىتى, بولات-قورىتپا, اليۋميني شىعاراتىن كاسىپورىندار, مۇناي كوكسى مەن كابىل ونىمدەرىنىڭ, فەرروقورىتپا ءوندىرىسى جانە وزگە دە مەتاللۋرگيالىق ءوندىرىس وشاقتارى شوعىرلانعان. ەلەكتر قۋاتىنا قاتىستى ماسەلە جوق. زاۋىتتار كۇن سايىن توننالاپ شىعارىپ جاتقان ءونىم تۇرلەرىن ەكىنشى قايتارا وڭدەپ, دايىن تاۋار رەتىندە نارىققا جونەلتۋ ءوندىرىسى عانا جەتىسپەي تۇر. وسى ءبىر تىڭ جاتقان وندىرىستىك الاڭ قىتايلىق كاسىپكەرلەردىڭ كوزىنە تۇسكەندەي.
قىتايلىق «Beijing Jinghanlin مould Manufacturing Co. Ltd» مەن «Hua اn International Investment Management LLP» كومپانيالارى قازىر پاۆلودار اكىمدىگىمەن كولىك ديسكىسىن جانە قوسالقى بولشەك وندىرەتىن ءىرى كاسىپورىن قۇرۋ تۋرالى كەلىسسوز جۇرگىزىپ جاتىر. جوبا قۇنى – 50 ملرد تەڭگە. وندىرىستە جىلىنا 2 ملن دانا ءونىم شىعارىلىپ, 100-دەن استام تۇراقتى جۇمىس ورنى قۇرىلۋى مۇمكىن.
وبلىس اكىمى اسايىن بايحانوۆ اتالعان كومپانيا باسشىلارىمەن كەزدەستى. وندا تاراپتار وڭىردەگى «پاۆلودار» ارنايى ەكونوميكالىق ايماعىنىڭ اۋماعىندا اۆتوكولىك ونەركاسىبىنە ارنالعان اۆتوكولىكتەردىڭ اليۋميني ديسكىلەرى مەن قوسالقى بولشەكتەرىن شىعاراتىن كاسىپورىن سالۋ مۇمكىندىگىن تالقىلادى.
«وبلىس اكىمى اسايىن بايحانوۆ قولايلى ينۆەستيتسيالىق احۋال قالىپتاستىرۋ باستى باسىمدىق ەكەنىن اتاپ ءوتتى. ول كاسىپورىننىڭ بولاشاعىن جوعارى باعالادى. «Beijing Jinghanlin Mould» كومپانياسىنىڭ قۇرىلتايشىسى مەن باسشىسى تاۋ حۋاچان دوڭگەلەك ديسكىلەرىن قۇيۋ, سىناۋ تەحنولوگياسى, جۇك كولىكتەرىنىڭ دوڭگەلەكتەرىنە ارنالعان قالىپتاردى ءوندىرۋ جانە ەكسپورتقا باعدارلانعان ءونىمنىڭ ارتىقشىلىقتارى تۋرالى باياندادى. تاراپتار جوبانى جان-جاقتى تالقىلاۋدى جالعاستىرۋدى جانە ونى ىسكە اسىرۋ جونىندەگى الداعى ۋاقىتتاعى قادامدار تۋرالى ۋاعدالاستى», دەپ حابارلادى وبلىس اكىمىنىڭ ءباسپاسوز قىزمەتى.
«Beijing Jinghanlin Mould Manufacturing Co. Ltd» – نارىقتاعى نەگىزگى ويىنشى جانە ونىمدەرىن وڭتۇستىك-شىعىس ازياعا, ەۋروپاعا, لاتىن امەريكاسىنا, اقش-قا جەتكىزەتىن قىتايداعى ەڭ ءىرى كومپانيالاردىڭ ءبىرى. تاعى ءبىر قىتايلىق كومپانيا «Rezel Catalysts Corporation» اۆتوكولىكتەرگە ارنالعان FCC-كاتاليزاتورلارىنىڭ ءوندىرىسىن قۇرۋعا ىنتا تانىتقان. جۋىقتا اتالعان كومپانيا وكىلدەرى مەن «كمح-كاتاليزاتورى» جشس باسشىلىعى وبلىسقا ارنايى كەلىپ, ءوز نيەتتەرىن جەتكىزدى. قىتايلىق ينۆەستورلار 45 تۇراقتى جۇمىس ورنىن قۇرا وتىرىپ, جىلىنا 10 مىڭ توننا FCC-كاتاليزاتور شىعارۋعا 12 ملرد تەڭگە ينۆەستيتسيا قۇيۋعا دايىن.
ءوڭىر باسشىسى اسايىن بايحانوۆ الەۋەتتى ينۆەستورلاردى قولداپ, كاتاليتيكالىق جۇيەلەر ەسەبىنەن وتاندىق مۇناي وڭدەۋ كاسىپورىندارىندا قايتا وڭدەۋ مارجاسىنىڭ ايتارلىقتاي ارتاتىنىن اتاپ ءوتتى. «Rezel Catalysts Corporation» ديرەكتورلار كەڭەسىنىڭ توراعاسى – باس ديرەكتورى چجوۋ جۋنشەن كومپانياسىنىڭ وزىق تەحنولوگياسى – اۋىر مەتالدارعا ءتوزىمدى, سيرەك كەزدەسەتىن ەلەمەنتتەرى جوعارى ءۇ تسەوليتىن پايدالانۋ تۋرالى ايتتى. سونداي-اق كومىر حيمياسىنا يننوۆاتسيالىق تەحنولوگيالاردى ەنگىزۋدى بىرلەسىپ تالقىلادى.
كەزدەسۋ سوڭىندا پاۆلودار وبلىسىنىڭ اكىمدىگى, «پاۆلودار» اەا باسقارۋشى كومپانياسى» اق, «Rezel Catalysts Corporation» جانە «كمح-كاتاليزاتورى» جشس اراسىندا ينۆەستيتسيالىق جوبانى ىسكە اسىرۋ تۋرالى مەموراندۋمعا قول قويىلدى. سونىمەن بىرگە «Jiansu Jielong Group» كومپانياسى وڭىردە ماي ەستراكتسياسى زاۋىتىن سالۋعا 10-20 ملرد تەڭگە قۇيامىز دەپ ۋادە ەتىپ وتىر. تاۋلىگىنە 500–1 000 توننا شيكىزاتتى قايتا وڭدەيتىن كاسىپورىن اشىلسا, ايماقتا جىل سايىن توننالاپ جينالىپ قالاتىن كۇنباعىس ءدانىن كادەگە جاراتۋعا مۇمكىندىك تۋار ەدى.
پاۆلودار وبلىسى
